"Barselona" klubi rahbariyati yaqin orada "Nitstsa" jamoasi yarim himoyachisi Xotam Ben-Arfaning transferi borasida muzokaralar olib bormoqchi emas. Bu haqida Sport.es portali xabar tarqatdi. Avvalroq, kataloniyaliklar 29 yoshli frantsiyalik futbolchining xizmatlariga qiziqish bildirayotganliklari, hamda Ben-Arfadan Messi, Suares va Neymarga o'rinbosar bo'la oladigan zaxira futbolchisi sifatida foydalanish niyatida ekanliklari haqida ma'lumot tarqalgandi. Shuningdek, yarim himoyachi “Barselona” bilan muzokara yuritish maqsadida Kataloniyaga uchib kelgani xabar qilingandi, biroq keyinchalik bu inkor etildi. Ushbu mavsumda Ben-Arfa Frantsiya chempionatining 33ta o'yinida maydonga tushib, 17ta golga mualliflik qilgan.
— deya xabar beradi uff.uz nashri.