Bir necha yillardan buyon Dortmundning “Borussiya” klubi sharafini himoya qilib kelgan Mats Xummels “Bavariya” a'zosiga aylandi. Germaniyalik himoyachi myunxenliklar bilan 2021 yilga qadar mo'ljallangan shartnomaga qo'l qo'ydi. Kelishuvning moliyaviy shartlari hozircha e'lon qilinmagan. “Mats dunyodagi eng yaxshi himoyachilardan biri. Umid qilamanki, u jamoamiz g'alabalariga o'z hissasini qo'shadi”, - dedi myunxenliklar prezidenti Karl-Xaynts Rummenigge.  Biroz avval, “Bavariya” Renatu Sanshesh bilan 5 yillik shartnoma imzolagani haqida xabar berilgan edi.
— deya xabar beradi uff.uz nashri.