Dortmundning “Borussiya” jamoasi himoyachisi Mats Xummels “Bavariya” klubi a'zosiga aylanganiga o'z munosabatini bildirdi. “So'nggi haftalarda hayotimdagi eng qiyin qarorni qabul qilishim kerak edi. Nihoyat, men bir qarorga keldim va o'zimni yangi jabhada sinab ko'rmoqchiman. Ba'zilar mening qarorimni tushunmasligini bilaman. Lekin “Borussiya”da o'tkazgan 8 yarim yildan keyin hayotimga yangilik kiritishim kerak edi. Dortmundni tark etish oson bo'lmaydi. Bu erda katta bo'ldim, ko'plab g'alabalarga erishdim. Mening futbolchi bo'lib etishishimda yordam bergan barchaga minnatdorchilik bildiraman: muxlislarga, murabbiy va klub xodimlariga, jamoadoshlarimga, hamma hammaga”, – deydi germaniyalik 27 yoshli himoyachi.  
— deya xabar beradi uff.uz nashri.