Oliy liganing 9-turida "Paxtakor" "Lokomotiv"ga qarshi safarda maydonga tushadi.
Tayyorgarlik
Turning markaziy uchrashuvi sifatida qaralayotgan o'yinga "Paxtakor" 8 maydan tayyorgarlik ko'rishni boshladi. Shundan buyon muhim bellashuvga puxta hozirlik ko'rishga harakat qilindi. "Lokomotiv" esa "Obod" bilan uchrashuvni bir kun oldinroq o'tkazdi va shu tariqa tayyorgarlik ko'rish uchun qo'shimcha kunga ega bo'ldi. Jamoalar tarkibida bahsni diskvalifikatsiya sababli o'tkazib yuboradigan futbolchilar yo'q.
Qarama-qarshilik
Oliy ligada hozirgacha klublar 22 bor to'qnash kelishgan. 15 o'yinda "Paxtakor" g'olib chiqqan va 5 safar durang qayd etilgan. 2 bor raqibning qo'li baland kelgan. "Paxtakor" 54 gol urib, 19 to'p o'tkazib yuborgan. "Lokomotiv" maydonida 7 g'alaba qo'lga kiritilib, 3 durang va 1 mag'lubiyat kuzatilgan.
O'yin rasmiylari
Bahsni Ravshan Ermatov boshchiligidagi hakamlar guruhi boshqaradi. Ermatov hozirga qadar oliy ligada "Paxtakor" ishtirokidagi 26 uchrashuvda bosh hakam bo'lgan. "Paxtakor" ularning 11tasida zafar quchgan. 7 marta durang qayd etilib, 8 bellashuvda raqiblar ustun kelgan.
"LOKOMOTIV" - "PAXTAKOR"
Hakamlar: Ravshan Ermatov (Toshkent), Abdulhamid Rasulov (Toshkent), Jahongir Saidov (Toshkent), Ahmad Ergashev (Toshkent).
Nazoratchi: Artyom Arutyunov (Toshkent).
"Lokomotiv" - "Paxtakor" uchrashuvi 12 may, payshanba kuni "Lokomotiv" stadionida 17:00da boshlanadi. Yoshlar tarkibilari o'yini 11 may kuni TTYMI stadionida 17:00da boshlanishi rejalashtirilgan.
— deya xabar beradi uff.uz nashri.