Angliya chempionatining 30-turidan qoldirilgan “Liverpul“ hamda “Chelsi“ klublari o'rtasidagi uchrashuv o'z nihoyasiga etdi. Unda jamoalar murosa ko'chasini tanlashdi. O'yinning ilk daqiqalari “Liverpul“ning ustunligi ostida o'tdi, biroq keyinchalik “Chelsi“ Klopp shogirdlariga maydonda erkin harakat qilishga yo'l qo'ymadi va mersisaydliklarning tezkor hujumlari jiddiy qarshilikka duch keldi. Birinchi bo'limning 32-daqiqasiga kelib esa Eden Azar o'zining o'ta yuqori texnikasini namoyish etib, raqib himoyachilarini aldab o'tib, to'p Minole qo'rqalayotgan darvozaning burchagiga joylab qo'ydi – 0:1. Shundan so'ng, “Liverpul“ muvozanatni tiklash umidida hujumga otlandi. Biroq, bu kechada har bir hujum maydon egalari uchun anchagina mashaqqat talab etdi. Klopp esa so'nggi Benteke va Ojoni maydonga tushirib, hujum chizig'ini yanada boyitdi. Yakunda, ikkinchi bo'limga qo'shib berilgan vaqtning ikkinchi daqiqasida belgiyalik Kristian Benteke Begovich xatosidan unumli foydalanib, to'pni bo'sh qolgan darvozaga to'g'rilab qo'ydi – 1:1. Shu tariqa, “Liverpul” o'z maydonida “Chelsi” bilan durang qayd etdi. Angliya chempionati, 30-tur Liverpul – Chelsi 1:1 (0:1, 1:0)
Gollar: 0:1 – 32 Azar, 1:1 – 90+2 Benteke.
Liverpul – Minole, Moreno, Klayn, Lovren, Ture (Ojo, 88), Jan, Lallana (Benteke, 75), Milner (Allen, 75), Koutino, Firmino, Starrij.
Chelsi – Begovich, Baba, Aspilikueta, Keyxill, Matich, Villian (Kenedi, 57), Fabregas, Pedro (Loftus-Chik, 90), Traore (Abraxamm, 74), Azar, Obi Mikel.
Ogohlantirishlar: Jan (44), Ture (48), Milner (73), Aspilikueta (87).
— deya xabar beradi uff.uz nashri.