Vodiy derbichida "Neftchi" va "Andijon" jamoalari (0:1) o'rtasidagi uchrashuvdan so'ng bo'lib o'tgan matbuot anjumanida "Andijon" bosh murabbiyi Sergey Kovshov o'yin haqida o'z fikrlarini bildirib o'tdi.
- Ayni paytda “Andijon” jamoasini oldidagi vazifasi boshqa, “Neftchi”ning maqsadi boshqa. Bugun ikkiala jamoaga ham ochko kerak edi. Derbida bizga omad kulib boqdi. O'yin derbiga mos va juda qiziq o'tdi. Mezbonlar o'yin davomida darvozamiz oldida juda ko'plab xavfli vaziyatlarni yuzaga keltirishdi. Biz esa qarshi hujumlarning bittasidan unumli foydalandik. Ushbu yagona gol bizga g'alaba keltirdi. Jamoa ko'rsatgan o'yin juda yoqdi. Maydonga tushgan futbolchilar jonbozlik ko'rsatdilar. Hakam tomonidan o'yinga qo'shib berilgan vaqtgacha ular bo'shashishgani yo'q. G'alaba ham aynan shuning evaziga qo'lga kiritildi. Bugungi bahsda uch ochko bizga ko'proq kerak edi va bunga erishdik. Shu o'rinda jamoamizni qo'llab-quvvatlash uchun Andijondan Farg'onaga kelgan muxlislarimizga ham alohida minnatdorchilik bildiraman. Ishqibozlarimizning daldasi ham bizga kuch bag'ishladi.
— deya xabar beradi uff.uz nashri.