Madridning "Real" klubi hujumchisi Krishtianu Ronaldu madridliklar safiga o'tgandan buyon yuqori to'purarlik ko'rsatib kelmoqda.
Ronaldu 2009 yilning yozida "MYu"dan "Real"ga o'tgan edi. O'tgan vaqt davomida hujumchi madridliklar safida 324 ta gol kiritgan va ayni vaqtda jamoa tarixidagi eng yaxshi to'purar bo'lib turibdi. Garchi rasman Ronalduning gollari 323 ta bo'lsada, "Real" rahbariyati Pepega tegishli bir golni Ronalduniki deb tan oladi.
Shu tariqa portugaliyalik hujumchi 2009 yildan buyon jamoasining 40 foiz goliga mualliflik qilgani aniqlangan. Ushbu gollaridan 220 tasini o'ng oyog'ida, 55 tasini chap oyog'ida kiritgan bo'lsa, yana 47 ta golini bosh bilan zarba berib urgan.
Krishtianu Ronaldu jarima zarbalaridan 25 ta gol urgani holda, 60 marta penaltidan raqib darvozalarini ishg'ol etgan. Shuningdek Ronaldu "Atletiko" darvozasiga kiritgan gollaridan birini qo'li bilan urgani xabar qilinmoqda.
— deya xabar beradi uff.uz nashri.