“Neftchi” – “Obod” (1:0) bahsidan so'ng mehmonlar murabbiyi Bobur Zuhriddinov o'z fikrlari bilan o'rtoqlashdi.
-
Qiziqarli o'yin bo'ldi. Bunday irodali bahslar xar ikkala jamoani yanada kuchli qilishiga shubham yo'q. “Neftchi” kutganimdan ko'ra, yaxshi o'ynadi. Avvalgi bahslarni ko'rib chiqqandim. Bugun “Neftchi” jamoasi oldingi uchrashuvlarga qaraganda, jiddiyroq o'yin namoyish etdi. Raqibni tabriklayman. - Bugun “Obod” jamoasi vaziyatlardan foydalana olmaganini qanday izohlaysiz? - Vaziyatlardan foydalana olmaslik muammosi faqat bizda emas. Bu muammo juda ko'p jamoalarda mavjud. Hujumlarni samarali yakunlash borasida ishlayapmiz. “Obod” – yosh jamoa. Ularga sovuqqonlik etishmayapti. - Natija mehmonlar uchun yomon bo'lishiga qaramay, yaxshi kayfiyatda intervyu beryapsiz. O'yindan to'liq qoniqdizmi ? - Bugun shogirdlarim men bergan ko'rsatmalarni 95 % aniq bajardi. Faqat ba'zi vaziyatlarda xato qilishdi va bu xatolar mag'lubiyatga sabab bo'ldi. Tushkunlikka tushish yo'q. Keyingi o'yinlarga tayyorlanamiz - Bitti o'yinda 3 ta penalti. Buni qanday izohlaysiz ? - Bu o'yinni o'ta murosasiz o'tganidek dalolat beradi. Jamoamizda hamma narsa etarli. Yigitlarda o'yinga bo'lgan shijoat yuqori. Faqat g'alaba kam xolos, - dedi “Obod” murabbiyi. “Neftchi” matbuot xizmati.
— deya xabar beradi uff.uz nashri.