“Dunyoda inson uchun eng noyob narsa, uning boshqalar bilan qadrdonligidir” deyishadi. Har safar vodiydan Toshkent tomon boradigan bo'lsak, futbolga muxlisligimiz bois qadrdon bo'lib qolgan Rahmatillo (Opel)ni bir yo'qlab qaytamiz. Jonsarak va dilkash do'stimiz bilan suhbatlashib to'ymaydi, kishi.
Mabodo, uni ovora qilmasdan qaytsak u – poytaxtga kelibsizlar, bir og'iz keldim deb ham qo'ymabsiz? -deyishi ham bor. Rahmatillo bu gaplarni chin dildan samimiy aytadi.
Bugun – uning tavallud topgan kuni.   
Ota-ona farzandi dunyoga kelganida o'z farzandini -  mehr- oqibatli, oriyati bor vatanni sevadigan inson bo'lishini istab, duolar qiladi. “Opel”ni yaqindan bilganimiz uchun uni xuddi ota-onasi niyat qilganidek inson bo'lib etishganini guvohimiz. Bizni u yigit bilan - futbol deb atalmush o'yin yaqinlashtirdi.
Bildikki, futbol orqasidan o'zbekona fikrlaydigan benazir do'stga ega bo'libmiz. Uni osmonlarga ko'tarib maqtash niyatimiz yo'q. Chunki, u oddiygina yigit. U har doim Vatanimiz jamoasini yuksak cho'qqilarda ko'rishni orzu qiladi. Demak, Vatanni sevadi. Shu jihat olamda inson uchun eng kerakli sifatlardan biri bo'lsa kerak. Bunday kishini hurmat qilmay bo'ladimi?
Rahmatillo, doim sog' bo'ling! Ota-onangiz Sizni,  Siz esa  farzandlaringizni kamolini ko'ring!
Terma jamoamiz ko'rsatayotgan o'yinlar to'g'risida men bilan Rahmatillloni fikrlari doim bir xil chiqsada, Alisher aka(ALBARS) bilan ular yakdil o'ylashmaydi. Shuning uchun Alisher aka o'tgan yili“Opel”ga hazil she'r bitgan edi:
“Opel”ning qandayligin,
Ko'plar aniq bilishmas?
Bir “mavzu”da fikrimiz,
Faqat sira kelishmas.
Mehmondo'st bu ukamiz,
Nonu-namak bo'lganmiz.
Choy bahona futboldan,
Suhbatlarni qilganmiz.
Shaxsiyatsiz tanqid ham,
Albat futbolga kerak.
Futbol ham o'z yo'liga...
Tug'ilgan kun muborak! Barcha qadrdon yuzerlar nomidan:
Elmurod ERMATOV, Alisher NORBOBOEV(ALBARS)
— deya xabar beradi uff.uz nashri.