Bugun Shveytsariyaning Bazel shahridagi "Sankt-Yakob Park" stadionida Evropa Ligasining final uchrashuvi bo'lib o'tadi. Stadionga yig'iladigan 38500 muxlis "Liverpul" hamda "Sevilya" klublari o'rtasidagi o'yinga guvoh bo'ladi. Ha, aynan shu jamoalar finalgacha etib kelishdi. Yaxshi bilasiz, g'olib bo'lgan klub kelasi yili Evropa Chempionlar ligasida ishtirok etish huquqini qo'lga kiritadi.
O'yinning natijasini avvaldan aytish mushkulroq bo'lsa kerak. Sababi, bir tomondan "Liverpul" Klopp qo'lostida ancha kuchaygan bo'lsa, ikkinchi tomondan "Sevilya" ushbu musobaqaning eng tajribali jamoasi hisoblanadi. Emeri shogirdlari bundan avval ikki marta ketma-ket bosh sovrinni yutib olishgandi. Ular istalgan raqibga qarshi to'p surishni bilishadi.
Eslatib o'tamiz, bugungi o'yin Toshkent vaqti bilan soat 23.45da boshlanadi.
— deya xabar beradi uff.uz nashri.