“Qo'qon-1912” jamoasi a'zolari O'zbekiston Kubogi 1/8 final javob uchrashuvi doirasidagi “Navbahor”ga qarshi bo'lib o'tadigan uchrashuvga tayyorgarlikni boshlab yuborishdi. Mashg'ulotlarni bosh murabbiy Sergey Kovshov olib bordi. Mashg'ulotlarda barcha futbolchilar faol ishtirok etishdi. Otabek Haydarov esa jarohati borligi bois alohida shug'ullandi. Murabbiylar shtabi futbolchilarni ruhan tayyorlashga katta etibor qaratishmoqda. Kecha bo'lib o'tgan mashg'ulotlar ham doimgidek a'lo kayfiyatda o'tdi. Bu safargi mashg'ulot biroz boshqacha bo'ldi. Aniqrog'i, mashg'ulotlarda o'rinbosarlar va asosiy tarkibda to'p suradigan barcha futbolchilar ishtirok etdi. Bu esa jamoaning yanada jipslashishiga zamin yaratishi shubhasiz. “Markaziy” o'yingohda bo'lib o'tgan mashg'ulotni klubimiz menejeri Tohir Kapadze nazorat qilib bordi.
— deya xabar beradi uff.uz nashri.