Seshanba va chorshanba kunlari Evropa Chempionlar ligasining 3-tur uchrashuvlari bo'lib o'tdi. Furkat.uz sayti o'z an'anasiga sodiq qolgan holda ushbu turning eng yaxshilariga o'ziga xos “Oskar” haykalchalarini topshiradi. Albatta norasmiy tarzda. Demak boshladik.
Chempionlar ligasining maxsus “Oskar”lari kimlarga nasib etdi
“Eng yaxshi film”
Londondda namoyish etilgan “Arsenal” – “Bavariya” (2:0) “film”i ancha tomoshabop bo'ldi. Tomoshabinlarga ayniqsa filmning oxirgi 15 daqiqasi juda yoqdi. Zero Londonlik muxlislar uchun yakun “hindcha” ko'rinish oldi. Nemislar uchun esa shunchaki “tragediya” bo'ldi xolos.
Chempionlar ligasining maxsus “Oskar”lari kimlarga nasib etdi
“Eng yaxshi stsenariy”
Leverkuzen “kinoteatr”ida “Bayer” – “Roma” (4:4) nomli fantastik syujetli kartina taqdim etildi. “Gladiatorlar”ga atalgan “film”da dastlab mezbonlarning bir “gladiator”i ikki marta zafar quchib, go'yo jang taqdirini hal qilganday bo'ldi. Biroq Rimlik “gladiator”lar shundan so'ng “uyg'onishdi” va ketma-ket 4 ta “jang”da zafar quchishdi. Tomoshabinlar jang taqdiri hal bo'ldi deya uylariga qaytib ketayotgan bir paytda nemislar nemischa iroda ko'rsatib jangni jangovor durang bilan yakunlashga muvaffaq bo'lishdi. Xullas “film” stsenariyi ajoyib yozilgan edi. Axir tomoshabinlarni oxirigacha hayajonda saqlab turish oson emas.
Davomi Furqat Yusupov blogida.
— deya xabar beradi uff.uz nashri.