"Manchester Yunayted" klubi sobiq futbolchisi Pol Ins mankunianliklar rahbariyatini Lui van Galga ishonishga chaqirdi.
"Fergyuson 1990 yilda qanday holatda bo'lganini bir eslab ko'ring. Agarda biz Angliya Kubogida g'alaba qozonmaganimizda uni balki iste'foga chiqarishgan bo'lar edi. Bu haqida mish-mishlar yurgan edi, albatta hozir bu haqida ishonch bilan gapirish mumkin emas.
Men o'zim ham murabbiy bo'lganman va "Yunayted" avvalgidek shoshqaloqlik qilmaydigan hamda murabbiylarni almashtiravermaydigan klub degan nomni tiklab olishini juda istayman. Moyesga o'zini ko'rsatishi uchun vaqt bermadilar, mana endi Lui van Galning iste'fosi haqida xabarlar yuribdi. Ammo men van Galga boshlagan qurilishini yakuniga etkazishiga imkon berishlarini so'rayman.
U juda kuchli jamoalar bilan ishlagan va ularning har birida g'alabalarga erishgan. Umid qilamizki van Gal bu erdagi talabni tushunib etadi.
Unga kelasi mavsum ham ishlash imkonini berish kerak. Agar shunda ham ishini uddalay olmasa, keyin iste'foga chiqarsa bo'ladi", - deydi Ins.
— deya xabar beradi uff.uz nashri.