MOSKVADA «PARMA» BILAN UEFA KUBOGINI YuTGAN FUTBOLChILAR HOZIR QAERDA? Buffon, Krespo, Tyuram va boshqalar.
Ha, Italiyaning «Parma» klubi90-yillarda binoyidek tarkibga ega edi va uning uchun evrokuboklar finalida o'ynash odatiy hol hisoblanardi. Misol uchun, parmaliklar Kubok egalari kubogi-1992 |1993 va UEFA kubogi-1994 |1995da g'alaba qozonishgan, shuningdek, 1994 yili milliy kuboklar sovrindorlari o'rtasidagi turnirda yana bir marta finalga chiqishgandi. Lekin jamoa tarixida aynan mavsum-1998 |1999 alohida o'rin tutadi. Zero, italyanlar o'ta maftunkor futbol hisobiga UEFA kubogini boshlari uzra baland ko'tarishgandi.
To'g'ri, aslida turnir «Parma» uchun birinchi raunddayoq tugashi ham hech gap emasdi. Jamoa ilk o'yinni mehmonda «Fenerbaxche»ga yutqazadi - 0:1. Boz ustiga, Istanbulda Fabio Kannavaro va Dino Badjo qizil kartochka olishadi. Natijada Alberto Malezani (bosh murabbiy) javob o'yini oldidan qiyin ahvolda qoladi. Shunga yarasha, maydonda keskin kurash boradi va faqat, 73-daqiqadagina Alen Bogossyan mezbonlarni qoniqtiruvchi hisobni o'rnatadi - 3:1.
Shunday murakkab holatda keyingi bosqichga yo'l olgan «Parma» navbatdagi raqiblari - Krakovning «Visla» (1:1 va 2:1) va Glazgoning «Reynjers» (1:1 va 3:1) jamoalarini aytarli muammosiz engadi. Chorak finalni esa mehmonda boshlab, yana mag'lubiyatga uchraydi - tarkibida Viltor va Miku kabi futbolchilari bor kuchli  «Bordo»dan 1:2 hisobida. Lekin o'z maydonida frantsuzlarni shunchaki, er bilan «yakson» qiladi - 6:0. Shundan so'ng «Parma»ni to'xtatishning iloji topilmaydi. Italyanlar Moskva finali yo'lida «Atletiko»ni ikki marta dog'da qoldirishadi  (3:1 va 2:1) va hal qiluvchi bahsda «Marsel»ga zarracha imkoniyat berishmaydi - 3:0.
O'shanda Loran Blan va Rober Pires etakchiligidagi frantsuzlar mutlaqo ojiz ko'ringandilar. Boshqacha aytganda, Krespo, Vanoli va Kezaning bittadan goli ularni chuqur «shok» holatiga tushirib qo'ygandi. Qarangki, shunday jamoa mavsum-2015|2016ni «D» seriyasi (!)da o'tkazdi (avvalgi yoz uni inqiroz jarayoni tufayli quyi ligaga tushirib yuborishdi). Lekin bitta yaxshi xabar ham bor - parmaliklar o'z guruhlarida 1-o'rinni egallashdi va endi yangi mavsumni Italiya futboli tizimidagi uchinchi darajali ligada boshlashadi.
Shu bahona o'sha shonli «Parma»ni eslashni lozim topdik. Xo'sh, jamoaning 1999 yili UEFA kubogini boshi uzra baland ko'tarishida kimlar asosiy rollarni bajarishgan va ular hozirda qanday yumush bilan bandlar? «Parma»ning aynan UEFA kubogidagi zafariga e'tibor qaratishimizga yana bir sabab bor - kecha Bazeldagi «Sankt-Yakob Park» arenasida shu turnir vorisi - ELning navbatdagi g'olibi aniqlandi. Bilasiz, finalda «Liverpul» va «Sevilya» klublari o'zaro orani ochiq qilishdi.
21 yosh    Janluiji BUFFON   38 yosh
Darvozabon
UEFA kubogi-1998|1999da: 11ta o'yin, -10ta gol
«Yuventus» klubi darvozaboni
32 yosh   Abel BAL'BO    49 yosh
Hujumchi
UEFA kubogi-1998|1999da: 11ta o'yin, 4ta gol
RIAda telesharhlovchi
27 yosh Lilian TYuRAM     44 yosh
O'ng qanot himoyachisi
UEFA kubogi-1998|1999da: 11ta o'yin
UNICEFning jamoatchilik ishlari bo'yicha elchisi
24 yosh  Stefano F'ORE   41 yosh
Hujumkor yarim himoyachi
UEFA kubogi-1998|1999da: 10ta o'yin, 2ta gol
SKYda telesharhlovchi
24 yosh Sebastyan Veron            41 yosh
Markaziy yarim himoyachi UEFA kubogi-1998|1999da: 10ta o'yin, 1ta gol
«Estudiantes» klubi prezidenti, «Latsio»da ham shu lavozimni egallamoqchi
23 yosh Ernan KRESPO    40 yosh
Hujumchi
UEFA kubogi-1998|1999da: 8ta o'yin, 6ta gol
Mart oyigacha «Modena» («V» seriyasi) klubini boshqardi
Davomi InterFUTBOL gazetasida.
— deya xabar beradi uff.uz nashri.