Andre Villash-Boash “Shalke” klubi bosh murabbiyiga aylanishi mumkin. Xabar qilinishicha, portugaliyalik mutaxassis nomzodlardan biri sifatida ko'rib chiqilmoqda. Ayni damda “Augsburg” bosh murabbiyi bo'lmish Markus Vayntsirl lavozimga asosiy davogar bo'lib turibdi. “Agar bor e'tiborimni birgina variantga qaratganimda, bu yomon bajarilgan ish bo'lardi. Masalaning bir nechta echimi bor”, – dedi “Shalke” sport direktori Kristian Xaydel. Villash-Boash ayni damda “Zenit” bilan ishlamoqda. Avvalroq, murabbiy mavsum oxirida peterburglik klubni tark etishi e'lon qilingandi.
— deya xabar beradi uff.uz nashri.