Bilasiz, futbol bo'yicha Oliy Liga bahslari sekin-asta o'zining ayni avj pallasiga kirib bormoqda. Mana hozirga kelib 9 ta tur uchrashuvlari ortda qoldi.
Biz mavsum avvalida klublarimizning Oliy Liga-2016ni qanday liboslarda o'tkazishi haqida ma'lumot bergan edik. Ana endi jamoalarning qaysi firma liboslaridan foydalanayotganliklari bilan fotosuratlar yordamida tanishtirib o'tamiz.
“Paxtakor” – Adidas
Mamlakatimizning amaldagi chempioni – “Paxtakor” yangi mavsumda ham o'z an'anasiga sodiq qolgan holda Adidas firmasi liboslaridan foydalanmoqda. Ma'lum bo'lishicha, ushbu ikki tomon 2003 yildan buyon o'zaro hamkorlik qilib kelmoqda.
“Sherlar”ning asosiy libosi rangi sariq. Jamoa uy uchrashuvlarini aynan sariq rangli libosda o'tkazmoqda. Safar uchrashuvlari uchun esa oq rangli libos tayyorlangan.
“Lokomotiv” – Joma
Joriy yilgi mavsumni ancha ko'tarinki ruhda o'tkazayotgan “Lokomotiv” esa so'nggi yillarda Joma bilan ishlab kelmoqda. Jamoa o'tgan mavsumda ham Joma liboslaridan foydalangandi. Bu yil ham liboslar Jomadan buyurtma qilindi.
Uy uchrashuvlari “Loko”ning an'anaviy rangi sanaluvchi qizil rangli libosda o'tkazilmoqda. Safar o'yinlarida esa oq rangdagi formalarda futbolchilar maydonga chiqishmoqda.
“Nasaf” – Adidas
Qarshining “Nasaf” jamoasi ham mana 6 yildirki, Adidas bilan hamkorlik qilib kelyapti. Bu yil tomonlar o'zgacha ko'rinishda libos tayyorlashdi. Unga ko'ra, “Nasaf” yangi mavsumni oq rangli libosda o'tkazmoqda.
Mazkur forma ancha nafis ko'rinishda ishlanganini ta'kidlash joiz. Safar uchrashuvlari uchun esa ko'k rangdagi forma tanlandi.
Davomi Sports.uz blogida.
— deya xabar beradi uff.uz nashri.