Matbuot Gollandiya termasi muvaffaQiyatsizligi haqida. Tabiiyki, Niderlandiyada mahalliy nashrlar mamlakat termasini Evro-2016 saralashidagi omadsizligi uchun keskin qoralamoqda. Gazetalarda ko'plab kamsituvchi iboralar ham ko'zga tashlanmoqda.
«Butun Evropaga kulgu». De Telegraaf gazetasi muqovasida «Oh, oh, «lolaranglar!» yozuvi porladi. Uning ikkinchi sahifasida esa yirik harflar bilan «Qanday sharmandalik!» sarlavhasi berildi. Tushunarliki, Niderlandiyaning eng yirik gazetasi jurnalistlari umumiy holatga baho berishda ro'yxotirlikni yig'ishtirib qo'yishdi: «JCh-2014da 3-o'rinni olganimizdan so'ng hozirgi jamoamiz butun Evropaga kulgu bo'ldi. Bizning jamoa Evro-2016dan chetda qolganini anglash juda noqulay va og'riqli».
Gollandiya futbol ittifoqi direktori Bert van Oosten ham alohida tanqidlarga munosib  ko'rildi: «Van Oosten o'zining tushunarsiz fikrlari va cheki yo'q qattiqqo'lligi bilan futbol sohasida ishlashga noloyiq ekanini ko'rsatib qo'ydi. Lekin u aysbergning cho'qqisi, xolos. Bu omadsizlik butun golland futboliga ogohlik qo'ng'irog'i bo'lishi kerak. Zero, «lolaranglar»ning omadsizliklari futbolimiz ta'limoti, mashg'ulotlar tizimi, mutaxassislarimiz va milliy chempionatimizga ulkan zarba berishi mumkin».
«Ajoyib va go'zal sharmandalik». AD nashri tahlilchisi Sord Mussu shundan yozdi: «Bizning yirik turnirlardagi har bir muvaffaqiyatsizligimizda o'ziga xos sabablari bor: «Park de «Prens»da Mishel Platini ijrosidagi jarima zarbasi, Ispaniya-Malta o'yinidagi 12:1 hisobi, Jorj Gryunning bosh bilan yo'llagan to'pi... Biroq hozir loaqal bitta sabab yo'q! Ehtimol, hammasi Chexiyada, Yanmatning avtogoli bilan boshlangandir. Balki Gus Xiddinkning behuda urinishlari bilandir. Yoki Reykyavikda jamoamizni muzlar va qor odamlar o'rab olishganidan boshlandimi? Ehtimol, hammasiga Bruno Martins Indi aybdordir? Agar sharmandalikka ham go'zal iborasini qo'llash joiz hisoblansa, unda jamoamiz nihoyatda ajoyib va go'zal tarzda sharmanda bo'ldi».
«Boshqaruvsiz va elkansiz kema». «Bu shubhasiz, futbolimiz tarixidagi eng yomon saralash bosqichi, - deya bong urishdi De Volkskrant gazetasi jurnalistlari. - «Amsterdam Arena»da Gollandiya termasini professional futboldagi mutlaqo arzimas xilqatga aylantirishdi. Bu noshud, sariq chaqaga arzimas jamoa Evro-2016da nima qilardi? Endi jiddiy o'ylash kerak. Jamoani yangitdan tuzish lozim, ehtimol, yangi murabbiy bilan. Xullas, Gollandiya termasi 2015 yili boshqaruvsiz va elkansiz kemaga o'xshab qoldi - o'yin chizmasi, murabbiylik ishi, ruhiy tayyorgarlik va shiddatkorlik nuqtai nazaridan shunday. Achinarlisi, jamoamizda endi hech narsa yo'q».
Davomi InterFUTBOL gazetasi blogida.
— deya xabar beradi uff.uz nashri.