«Barselona» va jamoaning texnik homiysi Nike o'zaro hamkorlik borasida kelishuvga erishganini ma'lum qildi.
Xabar qilinishicha, yangi shartnoma 10 yillik muddatga imzolangan. «Barselona» 2017/18 yilgi mavsum yakuniga qadar yiliga 80-85 million evro ishlaydi. Keyin esa yiliga 105 million evro ishlay boshlaydi. Shuningdek kompaniya tomonidan klubga firma do'konlarini litsenziyalash huquqi berildi va bundan «Barselona» yiliga qo'shimcha 50 million atrofida daromad qilishi mumkin.
Shu tariqa ushbu shartnoma futbol tarixidagi eng qimmat homiylik shartnomasiga aylandi. Ilgarigi rekord «MYu» va Adidas o'rtasida tuzilgan shartnomaga tegishli edi. Eslatib o'tamiz, o'tgan mavsum kataloniyaliklar eng ko'p futbolka sotgan klubga aylandilar.
— deya xabar beradi uff.uz nashri.