1news.uz — 2018 yil Rossiyada bo'lib o'tadigan futbol bo'yicha Jahon Chempionatining so'nggi saralash bosqichiga tayyorgarlik ko'rayotgan O'zbekiston milliy terma jamoasi 2 iyun kuni Afrika termalaridan biriga qarshi o'rtoqlik o'yinida maydonga tushishi mumkin. Bu haqda o'zbekistonlik futbol mutaxassisi Alisher Nikimbaev Twitter’dagi sahifasida ma'lum qildi.
Alisher Nikimbaev o'z sahifasiga «Evropalik do'stlarimning aytishiga qaraganda, 2 iyun kuni Toshkentga Afrika terma jamoalaridan biri tashrif buyurishi mumkin. FIFA reytingida u Qirg'iziston terma jamoasidan yuqorida joylashgan», — deb yozgan. Biroq terma jamoa nomiga aniqlik kiritmagan.
Ma'lumot uchun, Qirg'iziston terma jamoasi FIFA reytingida 100-o'rinni egallab turibdi. Undan oldingi pog'onalarda borayotgan Afrika qit'asining 25 ta terma jamoasi mavjud.
3—5 iyun kunlari Afrika Millatlar Kubogi uchun saralash uchrashuvlari tashkil etiladi va unda qit'a terma jamoalari navbatdagi tur o'yinlarida maydonga tushadi. Jumladan, FIFA reytingida Qirg'iziston terma jamoasidan oldinda borayotgan 25 ta terma jamoadan 23 tasi ham.
Davomi 1News.Uz blogida.
— deya xabar beradi uff.uz nashri.