1news.uz — Ekvatorial Gvineya milliy terma jamoasi tarkibiga qarab bu jamoani Ispaniya zahira jamoasi deyishga bir qancha asoslar bor.
Ma'lumki, ushbu jamoa  2 iyun kuni Toshkentdagi “Bunyodkor” stadionida O'zbekiston milliy terma jamoasiga qarshi o'rtoqlik uchrashuvida ishtirok etadi.
Ayni damda FIFA reytingida 83-o'rinda borayotgan Ekvatorial Gvineya terma jamoasi 2015 yilda o'zi mezbonlik qilgan Afrika Millatlar Kubogi musobaqasida yarim finalga qadar etib borgan. Ushbu jamoa ilk marta Afrika Millatlar Kubogi musobaqasida qatnashgan 2012 yilning o'zidayoq Senegal va Liviyani engib,   1/4 final bosqichiga chiqishga erishgan edi. Ekvatorial Gvineya terma jamoasini hozirda argentinalik Esteban Bekker boshqarib bormoqda. Ushbu murabbiy Ekvatorial Gvineya ayollar terma jamoasini Afrika Millatlar Kubogi musobaqalarida chempionlikka olib kelgan.
Terma jamoa yulduzi va kapitani Emilio Nsue avval Ispaniyaning “Malorka” klubida to'p surgan, ayni damda Angliyaning “Midlsbro” jamoasida o'ynaydi. Ispaniyada tug'ilgan yarim himoyachi Ispaniya yoshlar terma jamoalarida ishtirok etib, 2011 yilda Evropa chempionligini qo'lga kiritgan.
Terma jamoaning yana bir o'yinchisi  Xaver Anxel Balboa avval  “Real” Madrid jamoasida o'ynagan bo'lsa, ayni paytda Portugaliyaning «Eshtoril-Pray» jamoasi a'zosi hisoblanadi.
Terma jamoaning deyarli yarim tarkibi Ispaniyada tug'ilib, u erdagi klublarda to'p suradigan futbolchilar hisoblanadi.
Davomi 1News.Uz blogida.
— deya xabar beradi uff.uz nashri.