Madridning "Real" klubi hujumchisi Krishtianu Ronaldu Chempionlar ligasi finalida "Atletiko"ga qarshi kechadigan o'yin oldidan fikrlarini bildirib o'tdi.
"Men kichik jarohat oldim, ammo ertaga yoki indingga to'liq tayyor bo'laman.
EChLdagi shaxsiy rekordimni yangilasam yaxshi bo'lar edi, ammo men rekordlarga bog'lanib qolmaganman. Ular o'z o'zidan paydo bo'ladi. Eng muhimi g'alaba qozonish. Garchi gol ura olmasam ham, g'alabaga erishsak, xursand bo'laman. Rekord esa meniki bo'lib qolaveradi.
Albatta gol urishni istayman, ammo buni uddalay olmasam ham "Real"ga navbatdagi Chempionlar ligasi Kubogini boshqa jamoadoshim keltirishiga umid qilaman", - deydi Ronaldu.
Eslatib o'tamiz, ayni vaqtda Ronalduning hisobida mavsum davomida EChLda urilgan 16 ta gol bor. U 2013\2014 yilgi mavsumda Chempionlar ligasi o'yinlarida 17 ta gol urgan va rekord o'rnatgan edi.
— deya xabar beradi uff.uz nashri.