“Barselona” klubi o'ng qanot himoyachisi Daniel Alves “Yuventus” jamoasi rahbariyatining qizqishlari doirasiga kirgan. Sport.es portalining ma'lumotiga ko'ra, 33 yoshli braziliyalik futbolchi turinliklar bilan uch yillik shartnoma borasida kelishuvga erishgan va kelasi haftada transfer rasmiylashtiriladi. Sky Sport Italia telekanalining jurnalisti Janluka Di Martsioning xabariga ko'ra esa tomonlar hali shartnoma borasida bir echimga kelishmagan. Muzokaralar bo'lgan va unda ikki yillik bitim muhokama qilingan, biroq, “Yuventus” hali muzokaralarni davom ettirishi yoki ettirmaslik haqida bir qarorga kelmagan.
— deya xabar beradi uff.uz nashri.