Buxoroda bo'lib o'tadigan uchrashuvga tayyorgarlikka kirishgan “Navbahor” jamosining Toshkentdagi yig'ini davom etmoqda. Toshkentdagi “O'zbekiston” mehmonxonasida istiqomat qilayotgan jamoa a'zolari mashg'ulotlarni poytaxtdagi “Soliqchi” o'yingohida olib borishmoqda. Kecha bir mahallik mashg'ulot bilan cheklangan futbolchilarimiz bugun rejaga ko'ra ikki mahal shug'ullanishadi. Ertalab trenajyor zalida mashqlarni bajarilgan bo'lsa yana ikki soatdan keyin “Soliqchi” o'yingohidagi mashg'ulot boshlanadi. Jamoaning Toshkentdagi yig'inida umumiy hisobda 22 nafar futbolchi qatnashmoqda. Aziz G'ulomxo'jaev jarohat sababli, Sanjar Asqaraliev esa ma'lum sabablarga ko'ra mashg'ulotlarda ishtirok eta olishmayapti. G'ulomxo'jaev jarohatini davolamoqda. Asqaraliev esa vaqtinchalik tarzda jamoa yoshlari bilan mashg'ulot o'tkazmoqda. Jamoa a'zolari Toshkentdagi mashg'ulotlarni 28 mayga qadar davom ettirishadi. 28 may kuni erta tongda esa Buxoro shahri sari yo'lga tushiladi. 29 may kuni bo'lib o'tadigan “Buxoro” va “Navbahor” jamoalari o'rtasidagi uchrashuv “Buxoro” sport majmuasida soat 19.00da boshlanadi. Yoshlar o'rtasidagi bahs esa 28 may kuni soat 17.00da start oladi.
— deya xabar beradi uff.uz nashri.