Menxengladbaxning “Borussiya” jamoasi yarim himoyachisi Torgan Azar Londonning “Tottenxem” klubi rahbariyatining qiziqishlari doirasiga kirgan. Bu haqida Daily Mail nashri xabar tarqatdi. Ingliz klubi skautlari “Borussiya“ning “Yuventus”ga qarshi Chempionlar ligasi doirasidagi o'yiniga tashrif buyurib, Azarni kuzatib borishgan. “Chelsi” vingeri Eden Azarning ukasi bo'lmish 22 yoshli Torganni “Borussiya” o'tgan yozda 5,9 million funt evaziga batamom sotib olgandi. Xabar qilinishicha, transfer shartlariga ko'ra, “Chelsi” belgiyalik futbolchini qayta sotib olish huquqiga ega.
— deya xabar beradi uff.uz nashri.