Xabaringiz bor, Osiyo Chempionlar Ligasida yurishini davom ettirayotgan mamlakatimizning yagona jamoasi – "Lokomotiv" nimchorak finalda Saudiya Arabistonining "Al Hilol" klubini dog'da qoldirdi va o'z tarixida birinchi marta ushbu nufuzli turnirning chorak final bosqichiga yo'l oldi. “Temiryo'lchilar” jamoasi etakchilaridan biri Islom To'xtaxo'jaev ushbu o'yin va jamoaning endigi rejalari xususida gapirib o'tdi. - “Al Hilol” bilan bahs qanday o'tgani to'g'risidagi fikrlaringizni bildirsangiz. - Bahs oson kechmadi. Ushbu uchrashuvga juda yaxshi hozirlik ko'rgan edik. “Al Hilol” jamoasining uchrashuvlarini tomosha qilib, raqib o'yinini yaxshi o'rgangan edik. Yakunda omad bizga kulib boqdi va g'alabaga erisha oldik. - Raqibning bu qadar kuchsiz o'yin namoyish etishini kutganmidingiz? Boisi “Al Hilol” o'tgan safargi o'yinda juda kuchli ko'ringandi… - Rosti o'tgan safargi uchrashuvda ushbu klub ancha kuchli o'yin namoyish etgandi. Biz esa teskarisi. O'shanda yaqin ikki yil ichidagi eng yomon o'yinimizni o'tkazgandik. Bu safar esa ob-havo sababmi yoki ularning omadi kelmadimi, ustunlik ular tomonda bo'lmadi. Qolaversa, bunga biz namoyish etgan o'yin ham imkon bermadi. Axir biz ham o'z uyimizda himoyadan o'yin tashkil eta olmasdik! Davomi quyidagi havolada
— deya xabar beradi uff.uz nashri.