31 may kuni Toshkent shahridagi "O'zbekiston" sport majmuasida ajoyib futbol shousi bo'lib o'tadi. O'zbekistonda xizmat ko'rsatgan sportchi, milliy terma jamoa tarkibida Osiyo o'yinlari g'olibligini qo'lga kiritgan o'tmishning mashhur futbolchisi, O'zbekiston chempioni Azamat Abduraimovning 50 yoshga to'lishi munosabati bilan uning do'stlaridan tashkil topgan jamoa o'zbekistonlik FIFA hakami Ravshan Ermatov jamoasiga qarshi shou uchrashuvini o'tkazadi. Bu o'yinda Azamat Abduraimov jamoasida quyidagi insonlar to'p tepishadi: Darvozabonlar:
Aleksey Roshin («Paxtakor»), Nodirxo'ja Yuldashev (“Chempionat.aziya” sayti), Timur Kryuk (“Bunyodkor” faxriysi)
O'yinchilar:
Ulug'bek Ro'zimov, Fevzi Davletov, Ilhom Sharipov, Asad Do'rmonov, Mirjalol Qosimov, Azamat Abduraimov, Igor Shkvirin, Rustam Do'rmonov, Shuhrat Maqsudov (12-Osiyo o'yinlari g'oliblari), Murod Aliev (“Paxtakor”), Akbar Atamuhamedov ( "SADO" guruhi), Boris Gafurov("Ilhom" teatri), Renat Zakirov.
Murabbiylar: Birodpar Abduraimov va Rustam Akramov
Shifokor: Anatoliy Turikov
Maxsus taklif etilgan futbolchi: Muhsin Muxamadiev Ravshan Ermatov jamoasining tarkibi bir oz keyinroq e'lon qilinadi. Tadbirning maxsus mehmoni estradamizning taniqli yulduzi — Munisa Rizaeva. Futbol shoudan oldin bolalar o'rtasida "Chemionlar kubogi" deb nomlangan xayriya turniri ham bo'lib o'tadi. Barcha muxlislarni 31 may kuni soat 15:00da "O'zbekiston" sport majmuasiga taklif etib qolamiz.
— deya xabar beradi uff.uz nashri.