Bugun 28 may kuni. Butun futbol mavsumining tom ma'nodagi yopilish kuni. Bugun Evropa Chempionlar ligasining final uchrashuvi bo'ladigan kun. Yaxshi bilasiz, o'yin Milan shahridagi "San-Siro" stadionida bo'lib o'tadi.
Bir paytlar ushbu stadion egalaridan biri bo'lmish "Milan" jamoasi dunyoni titratardi. So'nggi 10 yillarda katta sahnaga Ispaniyaning ikki grand - "Real" hamda "Barselona" jamoalari chiqdi. Chunki, futbol olamiga Messi va Ronaldu kabi iqtidorli futbolchilar kirib keldi. Nebaxtki, biz ham ular asrida yashayapmiz.
Bugun bu ikki yulduz bir-birga duch kelmasada, Madridning ikki buyuk jamoalari o'zaro to'qnash keladi. "Real" jamoasi "Atletiko" bilan orani ochiq qiladi.
Bugun Zidan - Simeone qarama-qarshiligini ko'ramiz. Ikki hujumkor o'yin tarafdorlarining bellashuviga guvoh bo'lamiz. Bu ikki jamoaning oxirgi o'yinlaridagi natijalar ko'proq "Atletiko" foydasiga bo'lmoqda. Endi EChL finalida nima bo'ladi? Hech kim aniq javob ayta olmasa kerak.
Evropa matbuotida yozilishicha, bugungi o'yinni rekord darajada ko'p bo'lgan jurnalistlar yoritadi. Stadionda bo'lsa bironta ham bo'sh o'rin qolmaydi. Chiptalarning narxi 2.000 AQSh dollarigacha ko'tarilib ketgan.
O'yin ham shunga yarasha bo'ladi. Boshqacha bo'lishi mumkin emas.
Dunyoning yarmisi "Real" va Ronaldu tarafida bo'lsa, yarmisi "Atletiko" & co. tarafiga o'tib ketadi. Biz esa, chiroyli o'yin tarafdorimiz.
Mayli, kuchli jamoa g'alaba qozonsin.
Eslatib o'tamiz, uchrashuv Toshkent vaqti bilan soat 23.45da boshlanadi.
— deya xabar beradi uff.uz nashri.