1news.uz — Qarshi shahrida 28 may shanba kuni bo'lib o'tadigan oliy liga 10-tur doirasidagi “Nasaf” – “Bunyodkor” uchashuvi turning shubhasiz markaziy uchrashuvi bo'ladi.
Shu paytgacha Oliy ligada bu ikki jamoa 18 marotaba kuch sinashishgan. O'tkazilgan o'yinlarning 8 tasida “Bunyodkor”ning qo'li baland kelgan bo'lsa, 7 uchrashuvda kuchlar teng kelgan. “Nasaf” futbolchilari uch o'yinda g'alaba nashidasini surishgan. To'plar farqi – 24:9 “qaldirg'ochlar” foydasiga.
O'tgan yilgi mavsumda mazkur jamoalar har ikkala uchrashuvda ham golsiz durang qayd etishgan.
Bu jamoalar Qarshida 9 bor kuch sinashishgan. Shundan 2tasida “ajdarlar” g'alabaga erishishgan. “Bunyodkor” ham Qarshida ikki marta g'alaba qozongan. Qolgan 5 uchrashuvda g'olib aniqlanmagan. “Bunyodkor” Qarshidagi oxirgi 5ta o'yinda gol ham ura olmagan, g'alaba ham qozona olmagan.
Ayni paytda “Nasaf” 22 ochko bilan turnir jadvalining 3-pog'onasini band etib turgan bo'lsa, “Bunyodkor” futbolchilari Qarshi jamoasidan 25 ochko bilan turnir jadvalining 2-pog'onasida bormoqda. Toshkentliklar 8 bor g'alaba qozonib, bir bor durangga rozi bo'lishgan. Xabarning tafsilotlari bilan 1news.uz saytida ushbu havola orqali tanishishingiz mumkin.
— deya xabar beradi uff.uz nashri.