“Sautgempton” klubi hujumkor yarim himoyachisi Sado Mane navbatdagi ingliz top-klubi e'tibori ostiga tushgan. The Telegraph nashrining ma'lumotiga ko'ra, “Manchester Yunayted” hamda “Tottenxem”dan tashqari 24 yoshli Senegal termasi a'zosini “Liverpul” jamoasi ham xarid qilish istagida. Mersisaydliklar “Bavariya” yarim himoyachisi Mario Gettse bo'yicha muzokaralar boshi berk ko'chaga kirib qolgani tufayli, e'tiborlarini Manega qaratganlar. Manening transferi 20 million funtdan ortiqqa baholanmoqda. Yakunlangan mavsumda xavbek Angliya chempionatining 37ta o'yinida maydonga tushib, 11ta gol hamda 8ta golli uzatmaga mualliflik qilgan.
— deya xabar beradi uff.uz nashri.