"Real" hamda "Atletiko" klublari o'rtasidagi EChL finalidan keyin "Atlektiko" jamoasi bosh murabbiyi Diego Simeone o'zining fikrlarini bildirib o'tdi.
"Men "Real"ni tabriklayman. Ular bizni ikki marta finalda dog'da qoldirishdi. Bu safar penaltilar bo'yicha.
Biz o'yinni yomon boshladik va goldan keyin o'zimizga kelishimiz qiyin bo'ldi. Ikkinchi bo'lim menga yoqdi. Ammo, oxirida barcha charchab qoldi.
Final hushtagi chalingandan keyin futbolchilarimga yig'lamanglar, siz qo'ldan kelgan hamma narsani qildingiz, dedim. Ular ruhan judayam kuchlidirlar.
Kelajagim? Bu haqida biron narsa deya olmayman. Men hozir dam olmoqchiman, oilam bag'riga borib ular bilan birga bo'lmoqchiman. Bunaqa mag'lubiyatlar odamni sindirib qo'yadi, ammo menga hayotimda hech ham oson bo'lmagan. Futbolchiligimda ham shunaqa edi.
Umuman olganda, mana shu so'nggi besh yil ichida biz ikki marta EChL finalida o'ynadik. Bu katta natijadir. Shunday bo'lsada hali o'zimdan qoniqqanim yo'q", - deydi Simeone.
— deya xabar beradi uff.uz nashri.