Oliy Liga 10-turidan o'rin olgan “Buxoro” – “Navbahor” (3:2) uchrashuvidan so'ng o'tkazilgan matbuot anjumanining ikkinchi qismida "Buxoro" bosh murabbiyi Jamshid Saidov ishtirok etdi. – Og'ir o'yin o'tkazdik. Lekin nima bo'lgan taqdirda ham yigitlarga raxmat aytib, ularni g'alaba bilan tabriklamoqchiman. Nima sababdan so'nggi 10 daqiqada bo'sh o'yin ko'rsatganimizni o'rganib chiqamiz. Nimaga himoyalanganimizni o'zim ham tushunmadim. Ob-havo sharoiti balki futbolchilar harakatiga ta'sir o'tkazgan bo'lishi mumkin. Shu bois biroz lanch o'yin kuzatildi. Gol o'tkazib yuborgunimizga qadar yaxshi harakatlanayotgandik. Hisob qisqargach shogirdlarim tushkunlikka tushib qolishdi. Bugungi uchrashuvni unutib, “Lokomotiv”ga qarshi navbatdagi o'yinga tayyorgarlik ko'ramiz, – dedi “Buxoro” ustozi. 
— deya xabar beradi uff.uz nashri.