"Sanderlend" klubi rahbariyati yozgi transferlar mavsumi vaqtida markaziy himoya chizig'ini mustahkamlamoqchi. Sunderland Echo nashrining ma'lumotiga ko'ra, ingliz klubi Stiven Kolker ("KPR") hamda Neven Subotichning ("Borussiya" Dortmund) xaridi variantini ko'rib chiqmoqda. Jarohati tufayli yakunlangan Germaniya chempionatida atigi oltita o'yinda maydonga tushgan Subotichga shuningdek "Stok Siti" ham da'vogarlik qilmoqda va 27 yoshli serbiyalik futbolchining o'zi ham faoliyatini APLda davom ettirishga qarshi emas. Kolkerning transferi esa 4,5 million funtga baholanmoqda, ammo "Sanderlend" "Nyukasl", "Vest Bromvich" hamda "Kristal Pelas" klublari bilan raqobatchilik qilishiga to'g'ri keladi. Himoyachi Ues Braun yozda "Sanderlend"ni erkin agent sifatida tark etishi kutilmoqda.
— deya xabar beradi uff.uz nashri.