Kanada milliy terma jamoasi Avstriyadagi yig'inda ishtirok etadigan 24 nafar futbolchidan iborat tarkibini e'lon qildi. Xabaringiz bor, mazkur yig'inda Kanada terma jamoasi 7 iyun kuni O'zbekiston milliy terma jamoasiga qarshi o'rtoqlik uchrashuvida maydonga tushadi. Kanada terma jamoasi, bungacha Avstriyada 3 iyun kuni, shuningdek Ozarboyjon terma jamoasiga qarshi o'rtoqlik uchrashuvini o'tkazadi. O'zbekiston milliy terma jamoasi avvalroq xabar berilganidek, 2 iyun kuni Toshkentda Ekvatorial Gvineya terma jamoasiga qarshi o'rtoqlik uchrashuvini o'tkazadi. Ushbu uchrashuvdan so'ng, Samvel Babayan jamoasi Avstriyaga rasmiy o'yinlardan oldingi ilk yig'inini o'tkazish uchun jo'nab ketadi. Kanadaga qarshi o'rtoqlik uchrashuvi Avstriyaning Xartberg okrugiga qarashli "Rorbax Lafnits" stadionida bo'lib o'tadi. Ushbu yig'in, har ikkala terma jamoa uchun ham JCh-2018 saralash uchrashuvlariga tayyorgarlik vazifasini o'tab beradi. Kanada milliy terma jamoasi bosh murabbiyi Benito Floro tomonidan Avstriyadagi yig'inga taklif etilgan futbolchilar ro'yxati: Darvozabonlar: Simon Tomas – "Bode Glimt", Norvegiya Milan Boryan – "Lyudogorets Razgrad", Bolgariya Kenni Stamatopulos – "AIK", Shvetsiya Himoyachilar: Nik Ledgvervud – "Edmonton", Kanada Manekar Jeym – "Deshder", Vengriya Deyan Jakovich – "Shimitsu S-Puls", Yaponiya David Edgar – "Birmingem", Angliya Doneyl Genri – "Vest Hem", Angliya Adam Streyt – "Fredrikstadt", Norvegiya Stiven Vitoriya – "Benfika", Portugaliya Karl V. Oumett – "Nyu York Red Bullz", AQSh Marsel De Yong – "Ottava Fyuri", Kanada Yarim himoyachilar: Yulian de Guzman – "Ottava Fyuri", Kanada Lein Xyum – "Ponferadina", Ispaniya Uill Jonson – "Toronto", Kanada Devid Xoylett – "KPR", Angliya Toseynt Riketts – jamoasiz Maykl Petrasso – "KPR", Angliya Samuel Piette – "Deportivo", Ispaniya Skott Arfild – "Bernli", Angliya Tesho Akindeli – "Dallas", AQSh Hujumchilar: Markus Xaber – "KRYu", Angliya Kayl Larin – "Orlando Siti", AQSh Simeon Jekson – "Blekburn Rovers", Angliya
— deya xabar beradi uff.uz nashri.