Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Umidjon Ahmadjonov: Tartib-intizomni birinchi o'ringa qo'yaman
Mamlakatimiz paralimpiyachilari qaerga borishmasin, ular ishtirokidagi musobaqalar nufuzi nechog'lik yuqori bo'lmasin, Vatanimizga shoda-shoda medallar bilan qaytishlari yaxshi an'anaga aylanib bormoqda. Bu o'z navbatida O'zbekistonda Paralimpiya harakati jadal suratlarda rivojlanib borayotganligidan, O'zbekiston Paralimpiya maktabining shuhrati yil sayin yuksalib borayotganligining yorqin isbotidir.
2014 yili Janubiy Koreyaning Inchxon shahrida o'tkazilgan Paraosiyo o'yinlarida 22 ta oltin, 5 ta kumush va 4 ta bronza medaliga sazovor bo'lib, qit'ada etakchilardan ekanliklarini isbotlagan mardonavor sportchilarimiz, bugungi kunga kelib “Rio-2016” Paralimpiya o'yinlariga “London-2012” Paralimpiya o'yinlariga qaraganda besh barobar ko'p (hozircha 50 ta) yo'llanmani qo'lga kiritib, dunyoda tutgan mavqeilari nechog'lik baland ekanligini namoyon etdilar.
E'tiborlisi, mamlakatimiz paralimpiyachilari litsenzion musobaqalarda sovrindor bo'lish bilan birga bir necha bor Osiyo va xatto Jahon rekordlarini yangilashga muvaffaq bo'lishdi.
O'z oldilariga doimo yuqori marralarni qo'yadigan paralimpiyachilarimiz ishtirokidagi musobaqalarni kuzata turib, ularga nisbatan qo'llaniladigan “imkoniyati cheklangan sportchilar” iborasi umuman to'g'ri kelmasligiga, aksincha, ulardagi iroda, jasorat, matonat, maqsad sari intiluvchanlik hissini kuzata turib, ular “inson imkoniyati cheksiz ekanligini” isbotlayotganliklarining shohidi bo'lasiz.
Ma'lumki, har qanday muvaffaqiyat ham yillar davomida amalga oshirilgan zaxmatli mehnatlarning mahsulidir. O'zbekiston Milliy paralimpiya assotsiatsiyasi raisining birinchi o'rinbosari Umidjon Ahmadjonov bilan suhbatda mamlakatimiz paralimpiyachilari tomonidan o'tgan qisqa davrda qo'lga kiritilgan muvaffaqiyatlar, ularning asosiy omillari, galdagi vazifalar hamda istiboldagi rejalar haqida atroflicha so'z yuritildi.
“Muvaffaqiyatlarimizning asosiy omili eng avvalo sog'lom turmush tarzi Davlat siyosatining ustuvor vazifalaridan biri qilib belgilangan ozod va obod yurtda yashab, faoliyat olib borayotganimizda deb bilaman, - deydi U.Ahmadjonov. O'z navbatida mana shunday yaratilayotgan sharoitlar, bildirilayotgan yuksak darajadagi ishonchga munosib bo'lishimiz, Vatanimiz sha'nini yanada ulug'lash yo'lida butun kuch-qudratimizni ishga solishimiz zarur.
Keling,qo'lga kiritilgan g'alabalar haqida so'z yuritishdan avval, O'zbekistonda Paralimpiya harakatining tarixiga qisqacha nazar tashlasak. Ma'lumki, O'zbekiston Milliy paralimpiya assotsiatsiyasi 2007 yilda rasman faoliyatini boshlagan. Oradan bir yil o'tib ikki nafar sportchimiz bilan Pekin shahri (Xitoy)da bo'lib o'tgan XIII yozgi Paralimpiya o'yinlarida ishtirok etdik. Mazkur o'yinlar biz uchun o'ziga xos mahorat va tajriba maktabi vazifasini o'tab berdi. Paralimpiya o'yinlarida dasturdan o'rin olgan barcha sport turlari bo'yicha o'tkazilgan musobaqalarni bevosita kuzatdim. Ana shu sport turlaridan qay birini birinchi navbatda o'zimizda rivojlantirish lozimligini taxlil qildim.
Shundan so'ng, mutaxassislarimiz bilan saralab olgan sport turlarimiz haqida barcha zarur ma'lumotlarni jamlab, ularni puxta o'zlashtirishga kirishdik. Maqsadimiz yuksak bo'lganligi bois, dunyoning etakchi terma jamoalari bilan hamkorliklarni yo'lga qo'ydik. Murabbiylarimizni xalqaro seminarlarga yuborib, ularning tajriba va mahoratini yanada oshirishlari uchun barcha sharoitlarni yaratib berdik.
Qilingan dastlabki sa'y-harakatlarimiz 2010 yili Guanchjou (Xitoy)da bo'lib o'tgan Paraosiyo o'yinlarida samara bera boshladi. Mazkur o'yinlarda 1 ta oltin, 2 ta kumush va 3 ta bronza, jami 6 ta medaliga sazovor bo'ldik. Paraosiyo o'yinlaridagi ilk ishtirokimizda mana shunday natijaga erishganimiz, bizni to'g'ri yo'ldan borayotganligimizdan dalolat berardi.
Oradan yana ikki yil o'tib, o'n nafar sportchimiz bilan “London-2012” Paralimpiya o'yinlariga yo'l oldik. Bu orada mamlakatimiz paralimpiyachilari ko'plab nufuzli musobaqada ishtirok etib, mahoratlarini yanada toblab olishgan edi. Ushbu Paralimpiya o'yinlarida dzyudochimiz Sharif Halilov kumush medal sohibi bo'ldi.
E'tiborlisi, Sharif Halilovning ushbu tarixiy g'alabasi O'zbekistonda Istiqlol bayramining 21 yilligi keng tantana qilinayotgan kuni qo'lga kiritildi.
Hayot bir joyda to'xtab turmaydi va zamon barcha sohalarda, shu jumladan, sportda ham oldimizga yangi talab hamda vazifalarni qo'yishi tabiiy hol. Hayot sur'atlari shiddatli tus olgan bugungi davr talabiga o'z vaqtida amaliy ishlar bilan javob bergan mamlakat, sport jamoasi, murabbiy va sportchigina kelajakda yuksak cho'qqilarni zabt etishi mumkin. Shu ma'noda Prezidentimiz Islom Karimovning 2013 yil 25 fevralgi “O'zbekiston sportchilarini 2016 yilda Rio-de-Janeyro shahrida (Braziliya) bo'lib o'tadigan XXXI yozgi Olimpiada va XV Paralimpiya o'yinlariga tayyorgarligi to'g'risida”gi qarori mamlakatimiz sporti, sport jamoatchiligi oldida yangi ufqlarni ochdi, shunday emasmi.
Ha, Davlatimiz rahbarining mazkur qarori o'z ahamiyati va unda belgilab berilgan vazifalarning ko'lamiga ko'ra xalqaro sport maydonlarida qo'lga kiritilayotgan muvaffaqiyatlarimiz salmog'ini yanada yuksaltirish hamda mamlakatimizda olimpiya va paralimpiya harakatini rivojlantirishda yangi bosqichni boshlab berdi. Sportchilarimizni to'rt yillikning navbatdagi yirik sport anjumaniga munosib hozirlik ko'rishlarida dasturilamal bo'layotgan ushbu hujjat Yurtboshimiz tomonidan jismoniy tarbiya va sport ravnaqi yo'lida hamda sportchilarga ko'rsatilayotgan doimiy e'tibor va g'amxo'rlikning yana bir amaliy ifodasidir.
Qarorda belgilangan vazifalarni hayotga tadbiq etilishi natijasida zamonaviy qarorgoh va barcha shart-sharoitlarga ega bo'lgan sport bazaga ega bo'ldik. Bunday sharoit, Paralimpiya harakati yuksak darajada rivojlangan davlatlarda ham yo'q.
Muvaffaqiyatlarimizning yana bir asosiy omili xalqimizning bizga bo'lgan ishonchi deb bilaman. Aslida biz qaerga bormaylik, qanday musobaqada ishtirok etmaylik eng avvalo, xalqimiz, Prezidentimiz ishonchlarini oqlash uchun maydonga tushamiz. Ularni bevosita qo'llab-quvvatlab turganliklarini qalban his qilamiz. Bu holat bizni yangidan-yangi g'alabalar sari chorlayveradi. Sho' o'rinda bir voqea yodimga tushdi. “E'tirof-2015” ko'rik-tanlovida tadbir suhandoni taqdirlash uchun sahnaga engil atletika bo'yicha terma jamoamiz etakchilaridan biri Miran Saxadovni taklif etganida, tadbirga tashrif buyurgan yurtdoshlarimiz o'rnilaridan turib, to mukofot topshirilib, Miran yana joyiga qaytib borib o'tirgunga qadar olqishlab turdilar. Ana endi aytingchi, Davlatimiz va xukumatimiz tomonidan bizga katta ishonch bildirilganda, sportchilarimiz xalqimiz tomonidan e'zozlanib, qadrlanayotgan bir paytda bunga munosib javob bermog'imiz kerakmi yoki bugungi muvaffaqiyatlardan mast bo'lib, sportda oldindan bashorat qilib bo'lmaydi, Paralimpiya harakati butun dunyoda rivojlanyapti, Rio-2016 o'yinlarida qanday natija bo'lishini vaqt ko'rsatadi deb qo'l qo'vishtirib o'tirishimiz kerakmi?
Shunday ekan, galdagi vazifalarmiz haqida gap ketganda bugungi kunda eng avvalo Rio-de-Janeyro shahri (Braziliya)da o'tkaziladigan XV yozgi Paralimpiya o'yinlarida Vatanimiz sharafini munosib himoya qilib, O'zbekiston bayrog'ini bir necha bor sarbaland ko'tarishni maqsad qilganmizni ta'kidlaymiz. Ishoning, bu balandparvoz gaplar emas, aksincha, sportchilarimiz imkoniyatiga berilgan real bahodir. Zero so'nggi yillarda qo'lga kiritilayotgan muvaffaqiyatlar, yaqin kelajakda qo'lga kiritilajak g'alabalarga ishonchni yanada oshiradi.
Bugungi kunga kelib “Rio-2016” Paralimpiya o'yinlariga 50 ta yo'llanma naqd qilib qo'yilgan. Lekin bu hali hammasi emas. Oldinda yanada Paralimpiya o'yinlarining yo'llanmalari o'ynaladigan bir qator musobaqalar mavjud va shuni ishonch bilan ayta olamanki, o'yinlarga qadar Braziliyaga yo'l oladigan delegatsiyamiz tarkibi yanada kengayadi.
E'tibor bering, Pekin shahrida o'tkazilgan Paralimpiya o'yinlarida ikki nafar sportchi bilan, Londonda bo'lib o'tgan Paralimpiya o'yinlarida esa 10 nafar sportchi bilan ishtirok etdik. “Rio-2016” Paralimpiya o'yinlariga esa hozircha 50 ta yo'llanma qo'lga kiritildi. Anglagan bo'lsangiz, o'yinlardan-o'yinlarga yo'llanmalar soni 5 barobardan ortib boryapti.
Bu ham o'z navbatida xalqaro maydonlarda O'zbekiston paralimpiya maktabiga bo'lgan qiziqishni yanada ortishiga sabab bo'layotgan bo'lsa kerak?
Albatta, muvaffaqiyatlar salmog'i yuksalib borgan sari, O'zbekiston paralimpiya maktabiga bo'lgan qiziqish tobora ortib boryapti. Ularning ma'lum bir qismi yurtimizga kelib, tajribamizni o'rganish istagini bildirayotgan bo'lishsa, yana bir qator davlatlar hamkorlikda o'quv-mashg'ulot yig'inlarini o'tkazish taklifi bilan chiqishyapti.
Umidjon, keling shu o'rinda xalqaro maydonda hamkorlik rishtalarini yanada rivojlantirish borasida amalga oshirilayotgan ishlar va istiqbolli rejalar haqida to'xtalib o'tsangiz.
Xalqaro hamda Osiyo paralimpiya qo'mitalari bilan mustahkam aloqalarni yo'lga qo'yganmiz. Har ikki tashkilot rahbariyati O'zbekistonda paralimpiya harakatini rivojlantirish borasida amalga oshirilayotgan sa'y-harakatlarni yuqori baholashmoqda. 2013 yili O'zbekiston Respublikasi Prezidenti Islom Karimovga Paralimpiya harakatini rivojlantirishdagi xizmatlari yuksak baholanib, Osiyo paralimpiya qo'mitasining Oltin ordeni topshirilgani ham yuqoridagi fikrimizni tasdiqlaydi. Alohida ta'kidlash joizki, ushbu orden faqatgina O'zbekiston va Xitoy davlati rahbarlariga berilgan.
O'tgan davr mobaynida klassifikatorlar (shifokorlar), hakamlar va mutaxassislarimiz malakasini oshirish maqsadida Xalqaro paralimpiya qo'mitasi bilan hamkorlikda bir qator o'quv-amaliy seminarlarni ham tashkil etdik. Kuni-kecha Amerika paralimpiya qo'mitasining ikki nafar mutaxassislari yurtimizga tashrif buyurib, suzish hamda triatlon sport turlari bo'yicha mahorat saboqlarini o'tkazishdi. Ular har ikki sport turida ham sportchilarimiz imkoniyatlarini yuqori baholadilar.
Yana bir jihat. Bugungi kunda xalqaro klassifikatorlarga bo'lgan talab va ehtiyoj juda katta. Bunday mutaxassislar Paralimpiya harakati rivojlanlangan barcha davlatlarda ham mavjud emas. Xalqaro klassifikatorlar sobiq ittifoq davlatlari orasida faqatgina O'zbekiston, Rossiya va Ukrainada bor. Xalqaro klasifikatorimiz Shohida Hidirova Germaniyada xalqaro klassifikatorlarni tayyorlaydigan akademiyada taxsil olgan.
Umidjon, ma'lumki xalqaro maydonlarda qo'lga kiritilayotgan muvaffaqiyatlar bardavom bo'lishi uchun ommaviylik darajasini yuksaltirish talab etiladi. Zero, qaerdaki ommaviylik darajasi yuqori bo'lsa, o'sha erda raqobat muhiti yuksalib boraveradi. Raqobat muhiti shakllangan joyda natija ko'kka bo'y cho'zib boraveradi.
O'zbekiston Milliy paralimpiya assotsiatsiyasi faoliyatini boshlagan dastlabki kundan boshlab ommaviylikka alohida e'tibor qaratib kelamiz. Bugungi kunda mamlakatimizning har bir hududida bo'limlarimiz faoliyat ko'rsatmoqda. Ana shu bo'limlarimizda o'z ishining haqiqiy fidoiylari ish olib borishmoqda. Ularning sa'y-harakatlari bilan joylarda tuman va viloyat miqyosidagi musobaqalar muntazam o'tkazilib kelinmoqda. Mana shunday tadbirlar orqali mahoratli sportchilarning munosib izdoshlari ham kashf etilmoqda. Fursatdan foydalanib, joylarda Paralimpiya harakatini rivojlantirishga munosib hissa qo'shayotgan mutaxassislarimizga, shuningdek, Qashqadaryo, Andijon va Xorazm viloyat xokimliklariga ham cheksiz minnatdorchiligimizni izxor qilmoqchiman. Biz qo'lga kiritayotgan har bir g'alabalarda ularning ham hissalari katta bo'lyapti.
Ba'zan biror-bir sport turida yuqori natijaga erishish uchun terma jamoaga xorijdan mutaxassis jalb etish zarur degan gaplarni eshitamiz. Shu ma'noda aytingchi yaqin kelajakda paralimpiya bo'yicha terma jamoalarimizda xorijlik mutaxassislar ham faoliyat ko'rsatishi mumkinmi.
Hozirda bunga hech qanday extiyoj sezmayapmiz. Boz ustiga bizning birorta terma jamoamizda bosh murabbiyning o'zi yo'q. Har bir sport turi bo'yicha mas'ullarni belgilab chiqqanmiz. Ular murabbiy va sportchilar bilan yaqindan ishlaydilar va natijaga ham javobgardirlar. Bu bilan nimaga erishyapmiz. Birinchi navbatda terma jamoalarda mahalliychilik, bosh murabbiyning suyukli sportchilarining shakllanishini oldi olinyapti. Demak, terma jamoada hech qaysi sportchiga o'rin kafolatlanmagan. Belgilangan tartib-qoidaga amal qilmadingmi yoki qo'lga kiritayotgan yutuqlardan havolanib ketdingmi, tamom senga terma jamoada joy yo'q. U xoh etakchi sportchi bo'lsin, xoh o'rtamiyona jazo barchaga birdek qo'llaniladi.
Bilasizmi, men doimo tartib-intizomni birinchi o'ringa qo'yib kelganman. Qaerdaki temir intizom o'rnatilmas ekan, o'sha erda natijalar ham salbiylashib boraveradi.
To'g'ri, sportchi va murabbiylar, shuningdek, klassifikatorlar, hakamlar va mutaxassilarimizni vaqtida rag'batlantirishni ham yo'lga qo'yganmiz. Turli bayramlar hamda xalqaro maydonlarda qo'lga kiritgan yutuqlarimizni a'lo darajada nishonlashni ham yo'lga qo'yganmiz.
Umidjon, samimiy suhbatingiz uchun raxmat. Niyatimiz, O'zbekiston paralimpiya maktabining shuhrati yuksalib, zafarli onlaringiz sira ham sarhad bilmasin.
Shavkat Jalilov suhbatlashdi.
O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.
2014 yili Janubiy Koreyaning Inchxon shahrida o'tkazilgan Paraosiyo o'yinlarida 22 ta oltin, 5 ta kumush va 4 ta bronza medaliga sazovor bo'lib, qit'ada etakchilardan ekanliklarini isbotlagan mardonavor sportchilarimiz, bugungi kunga kelib “Rio-2016” Paralimpiya o'yinlariga “London-2012” Paralimpiya o'yinlariga qaraganda besh barobar ko'p (hozircha 50 ta) yo'llanmani qo'lga kiritib, dunyoda tutgan mavqeilari nechog'lik baland ekanligini namoyon etdilar.
E'tiborlisi, mamlakatimiz paralimpiyachilari litsenzion musobaqalarda sovrindor bo'lish bilan birga bir necha bor Osiyo va xatto Jahon rekordlarini yangilashga muvaffaq bo'lishdi.
O'z oldilariga doimo yuqori marralarni qo'yadigan paralimpiyachilarimiz ishtirokidagi musobaqalarni kuzata turib, ularga nisbatan qo'llaniladigan “imkoniyati cheklangan sportchilar” iborasi umuman to'g'ri kelmasligiga, aksincha, ulardagi iroda, jasorat, matonat, maqsad sari intiluvchanlik hissini kuzata turib, ular “inson imkoniyati cheksiz ekanligini” isbotlayotganliklarining shohidi bo'lasiz.
Ma'lumki, har qanday muvaffaqiyat ham yillar davomida amalga oshirilgan zaxmatli mehnatlarning mahsulidir. O'zbekiston Milliy paralimpiya assotsiatsiyasi raisining birinchi o'rinbosari Umidjon Ahmadjonov bilan suhbatda mamlakatimiz paralimpiyachilari tomonidan o'tgan qisqa davrda qo'lga kiritilgan muvaffaqiyatlar, ularning asosiy omillari, galdagi vazifalar hamda istiboldagi rejalar haqida atroflicha so'z yuritildi.
“Muvaffaqiyatlarimizning asosiy omili eng avvalo sog'lom turmush tarzi Davlat siyosatining ustuvor vazifalaridan biri qilib belgilangan ozod va obod yurtda yashab, faoliyat olib borayotganimizda deb bilaman, - deydi U.Ahmadjonov. O'z navbatida mana shunday yaratilayotgan sharoitlar, bildirilayotgan yuksak darajadagi ishonchga munosib bo'lishimiz, Vatanimiz sha'nini yanada ulug'lash yo'lida butun kuch-qudratimizni ishga solishimiz zarur.
Keling,qo'lga kiritilgan g'alabalar haqida so'z yuritishdan avval, O'zbekistonda Paralimpiya harakatining tarixiga qisqacha nazar tashlasak. Ma'lumki, O'zbekiston Milliy paralimpiya assotsiatsiyasi 2007 yilda rasman faoliyatini boshlagan. Oradan bir yil o'tib ikki nafar sportchimiz bilan Pekin shahri (Xitoy)da bo'lib o'tgan XIII yozgi Paralimpiya o'yinlarida ishtirok etdik. Mazkur o'yinlar biz uchun o'ziga xos mahorat va tajriba maktabi vazifasini o'tab berdi. Paralimpiya o'yinlarida dasturdan o'rin olgan barcha sport turlari bo'yicha o'tkazilgan musobaqalarni bevosita kuzatdim. Ana shu sport turlaridan qay birini birinchi navbatda o'zimizda rivojlantirish lozimligini taxlil qildim.
Shundan so'ng, mutaxassislarimiz bilan saralab olgan sport turlarimiz haqida barcha zarur ma'lumotlarni jamlab, ularni puxta o'zlashtirishga kirishdik. Maqsadimiz yuksak bo'lganligi bois, dunyoning etakchi terma jamoalari bilan hamkorliklarni yo'lga qo'ydik. Murabbiylarimizni xalqaro seminarlarga yuborib, ularning tajriba va mahoratini yanada oshirishlari uchun barcha sharoitlarni yaratib berdik.
Qilingan dastlabki sa'y-harakatlarimiz 2010 yili Guanchjou (Xitoy)da bo'lib o'tgan Paraosiyo o'yinlarida samara bera boshladi. Mazkur o'yinlarda 1 ta oltin, 2 ta kumush va 3 ta bronza, jami 6 ta medaliga sazovor bo'ldik. Paraosiyo o'yinlaridagi ilk ishtirokimizda mana shunday natijaga erishganimiz, bizni to'g'ri yo'ldan borayotganligimizdan dalolat berardi.
Oradan yana ikki yil o'tib, o'n nafar sportchimiz bilan “London-2012” Paralimpiya o'yinlariga yo'l oldik. Bu orada mamlakatimiz paralimpiyachilari ko'plab nufuzli musobaqada ishtirok etib, mahoratlarini yanada toblab olishgan edi. Ushbu Paralimpiya o'yinlarida dzyudochimiz Sharif Halilov kumush medal sohibi bo'ldi.
E'tiborlisi, Sharif Halilovning ushbu tarixiy g'alabasi O'zbekistonda Istiqlol bayramining 21 yilligi keng tantana qilinayotgan kuni qo'lga kiritildi.
Hayot bir joyda to'xtab turmaydi va zamon barcha sohalarda, shu jumladan, sportda ham oldimizga yangi talab hamda vazifalarni qo'yishi tabiiy hol. Hayot sur'atlari shiddatli tus olgan bugungi davr talabiga o'z vaqtida amaliy ishlar bilan javob bergan mamlakat, sport jamoasi, murabbiy va sportchigina kelajakda yuksak cho'qqilarni zabt etishi mumkin. Shu ma'noda Prezidentimiz Islom Karimovning 2013 yil 25 fevralgi “O'zbekiston sportchilarini 2016 yilda Rio-de-Janeyro shahrida (Braziliya) bo'lib o'tadigan XXXI yozgi Olimpiada va XV Paralimpiya o'yinlariga tayyorgarligi to'g'risida”gi qarori mamlakatimiz sporti, sport jamoatchiligi oldida yangi ufqlarni ochdi, shunday emasmi.
Ha, Davlatimiz rahbarining mazkur qarori o'z ahamiyati va unda belgilab berilgan vazifalarning ko'lamiga ko'ra xalqaro sport maydonlarida qo'lga kiritilayotgan muvaffaqiyatlarimiz salmog'ini yanada yuksaltirish hamda mamlakatimizda olimpiya va paralimpiya harakatini rivojlantirishda yangi bosqichni boshlab berdi. Sportchilarimizni to'rt yillikning navbatdagi yirik sport anjumaniga munosib hozirlik ko'rishlarida dasturilamal bo'layotgan ushbu hujjat Yurtboshimiz tomonidan jismoniy tarbiya va sport ravnaqi yo'lida hamda sportchilarga ko'rsatilayotgan doimiy e'tibor va g'amxo'rlikning yana bir amaliy ifodasidir.
Qarorda belgilangan vazifalarni hayotga tadbiq etilishi natijasida zamonaviy qarorgoh va barcha shart-sharoitlarga ega bo'lgan sport bazaga ega bo'ldik. Bunday sharoit, Paralimpiya harakati yuksak darajada rivojlangan davlatlarda ham yo'q.
Muvaffaqiyatlarimizning yana bir asosiy omili xalqimizning bizga bo'lgan ishonchi deb bilaman. Aslida biz qaerga bormaylik, qanday musobaqada ishtirok etmaylik eng avvalo, xalqimiz, Prezidentimiz ishonchlarini oqlash uchun maydonga tushamiz. Ularni bevosita qo'llab-quvvatlab turganliklarini qalban his qilamiz. Bu holat bizni yangidan-yangi g'alabalar sari chorlayveradi. Sho' o'rinda bir voqea yodimga tushdi. “E'tirof-2015” ko'rik-tanlovida tadbir suhandoni taqdirlash uchun sahnaga engil atletika bo'yicha terma jamoamiz etakchilaridan biri Miran Saxadovni taklif etganida, tadbirga tashrif buyurgan yurtdoshlarimiz o'rnilaridan turib, to mukofot topshirilib, Miran yana joyiga qaytib borib o'tirgunga qadar olqishlab turdilar. Ana endi aytingchi, Davlatimiz va xukumatimiz tomonidan bizga katta ishonch bildirilganda, sportchilarimiz xalqimiz tomonidan e'zozlanib, qadrlanayotgan bir paytda bunga munosib javob bermog'imiz kerakmi yoki bugungi muvaffaqiyatlardan mast bo'lib, sportda oldindan bashorat qilib bo'lmaydi, Paralimpiya harakati butun dunyoda rivojlanyapti, Rio-2016 o'yinlarida qanday natija bo'lishini vaqt ko'rsatadi deb qo'l qo'vishtirib o'tirishimiz kerakmi?
Shunday ekan, galdagi vazifalarmiz haqida gap ketganda bugungi kunda eng avvalo Rio-de-Janeyro shahri (Braziliya)da o'tkaziladigan XV yozgi Paralimpiya o'yinlarida Vatanimiz sharafini munosib himoya qilib, O'zbekiston bayrog'ini bir necha bor sarbaland ko'tarishni maqsad qilganmizni ta'kidlaymiz. Ishoning, bu balandparvoz gaplar emas, aksincha, sportchilarimiz imkoniyatiga berilgan real bahodir. Zero so'nggi yillarda qo'lga kiritilayotgan muvaffaqiyatlar, yaqin kelajakda qo'lga kiritilajak g'alabalarga ishonchni yanada oshiradi.
Bugungi kunga kelib “Rio-2016” Paralimpiya o'yinlariga 50 ta yo'llanma naqd qilib qo'yilgan. Lekin bu hali hammasi emas. Oldinda yanada Paralimpiya o'yinlarining yo'llanmalari o'ynaladigan bir qator musobaqalar mavjud va shuni ishonch bilan ayta olamanki, o'yinlarga qadar Braziliyaga yo'l oladigan delegatsiyamiz tarkibi yanada kengayadi.
E'tibor bering, Pekin shahrida o'tkazilgan Paralimpiya o'yinlarida ikki nafar sportchi bilan, Londonda bo'lib o'tgan Paralimpiya o'yinlarida esa 10 nafar sportchi bilan ishtirok etdik. “Rio-2016” Paralimpiya o'yinlariga esa hozircha 50 ta yo'llanma qo'lga kiritildi. Anglagan bo'lsangiz, o'yinlardan-o'yinlarga yo'llanmalar soni 5 barobardan ortib boryapti.
Bu ham o'z navbatida xalqaro maydonlarda O'zbekiston paralimpiya maktabiga bo'lgan qiziqishni yanada ortishiga sabab bo'layotgan bo'lsa kerak?
Albatta, muvaffaqiyatlar salmog'i yuksalib borgan sari, O'zbekiston paralimpiya maktabiga bo'lgan qiziqish tobora ortib boryapti. Ularning ma'lum bir qismi yurtimizga kelib, tajribamizni o'rganish istagini bildirayotgan bo'lishsa, yana bir qator davlatlar hamkorlikda o'quv-mashg'ulot yig'inlarini o'tkazish taklifi bilan chiqishyapti.
Umidjon, keling shu o'rinda xalqaro maydonda hamkorlik rishtalarini yanada rivojlantirish borasida amalga oshirilayotgan ishlar va istiqbolli rejalar haqida to'xtalib o'tsangiz.
Xalqaro hamda Osiyo paralimpiya qo'mitalari bilan mustahkam aloqalarni yo'lga qo'yganmiz. Har ikki tashkilot rahbariyati O'zbekistonda paralimpiya harakatini rivojlantirish borasida amalga oshirilayotgan sa'y-harakatlarni yuqori baholashmoqda. 2013 yili O'zbekiston Respublikasi Prezidenti Islom Karimovga Paralimpiya harakatini rivojlantirishdagi xizmatlari yuksak baholanib, Osiyo paralimpiya qo'mitasining Oltin ordeni topshirilgani ham yuqoridagi fikrimizni tasdiqlaydi. Alohida ta'kidlash joizki, ushbu orden faqatgina O'zbekiston va Xitoy davlati rahbarlariga berilgan.
O'tgan davr mobaynida klassifikatorlar (shifokorlar), hakamlar va mutaxassislarimiz malakasini oshirish maqsadida Xalqaro paralimpiya qo'mitasi bilan hamkorlikda bir qator o'quv-amaliy seminarlarni ham tashkil etdik. Kuni-kecha Amerika paralimpiya qo'mitasining ikki nafar mutaxassislari yurtimizga tashrif buyurib, suzish hamda triatlon sport turlari bo'yicha mahorat saboqlarini o'tkazishdi. Ular har ikki sport turida ham sportchilarimiz imkoniyatlarini yuqori baholadilar.
Yana bir jihat. Bugungi kunda xalqaro klassifikatorlarga bo'lgan talab va ehtiyoj juda katta. Bunday mutaxassislar Paralimpiya harakati rivojlanlangan barcha davlatlarda ham mavjud emas. Xalqaro klassifikatorlar sobiq ittifoq davlatlari orasida faqatgina O'zbekiston, Rossiya va Ukrainada bor. Xalqaro klasifikatorimiz Shohida Hidirova Germaniyada xalqaro klassifikatorlarni tayyorlaydigan akademiyada taxsil olgan.
Umidjon, ma'lumki xalqaro maydonlarda qo'lga kiritilayotgan muvaffaqiyatlar bardavom bo'lishi uchun ommaviylik darajasini yuksaltirish talab etiladi. Zero, qaerdaki ommaviylik darajasi yuqori bo'lsa, o'sha erda raqobat muhiti yuksalib boraveradi. Raqobat muhiti shakllangan joyda natija ko'kka bo'y cho'zib boraveradi.
O'zbekiston Milliy paralimpiya assotsiatsiyasi faoliyatini boshlagan dastlabki kundan boshlab ommaviylikka alohida e'tibor qaratib kelamiz. Bugungi kunda mamlakatimizning har bir hududida bo'limlarimiz faoliyat ko'rsatmoqda. Ana shu bo'limlarimizda o'z ishining haqiqiy fidoiylari ish olib borishmoqda. Ularning sa'y-harakatlari bilan joylarda tuman va viloyat miqyosidagi musobaqalar muntazam o'tkazilib kelinmoqda. Mana shunday tadbirlar orqali mahoratli sportchilarning munosib izdoshlari ham kashf etilmoqda. Fursatdan foydalanib, joylarda Paralimpiya harakatini rivojlantirishga munosib hissa qo'shayotgan mutaxassislarimizga, shuningdek, Qashqadaryo, Andijon va Xorazm viloyat xokimliklariga ham cheksiz minnatdorchiligimizni izxor qilmoqchiman. Biz qo'lga kiritayotgan har bir g'alabalarda ularning ham hissalari katta bo'lyapti.
Ba'zan biror-bir sport turida yuqori natijaga erishish uchun terma jamoaga xorijdan mutaxassis jalb etish zarur degan gaplarni eshitamiz. Shu ma'noda aytingchi yaqin kelajakda paralimpiya bo'yicha terma jamoalarimizda xorijlik mutaxassislar ham faoliyat ko'rsatishi mumkinmi.
Hozirda bunga hech qanday extiyoj sezmayapmiz. Boz ustiga bizning birorta terma jamoamizda bosh murabbiyning o'zi yo'q. Har bir sport turi bo'yicha mas'ullarni belgilab chiqqanmiz. Ular murabbiy va sportchilar bilan yaqindan ishlaydilar va natijaga ham javobgardirlar. Bu bilan nimaga erishyapmiz. Birinchi navbatda terma jamoalarda mahalliychilik, bosh murabbiyning suyukli sportchilarining shakllanishini oldi olinyapti. Demak, terma jamoada hech qaysi sportchiga o'rin kafolatlanmagan. Belgilangan tartib-qoidaga amal qilmadingmi yoki qo'lga kiritayotgan yutuqlardan havolanib ketdingmi, tamom senga terma jamoada joy yo'q. U xoh etakchi sportchi bo'lsin, xoh o'rtamiyona jazo barchaga birdek qo'llaniladi.
Bilasizmi, men doimo tartib-intizomni birinchi o'ringa qo'yib kelganman. Qaerdaki temir intizom o'rnatilmas ekan, o'sha erda natijalar ham salbiylashib boraveradi.
To'g'ri, sportchi va murabbiylar, shuningdek, klassifikatorlar, hakamlar va mutaxassilarimizni vaqtida rag'batlantirishni ham yo'lga qo'yganmiz. Turli bayramlar hamda xalqaro maydonlarda qo'lga kiritgan yutuqlarimizni a'lo darajada nishonlashni ham yo'lga qo'yganmiz.
Umidjon, samimiy suhbatingiz uchun raxmat. Niyatimiz, O'zbekiston paralimpiya maktabining shuhrati yuksalib, zafarli onlaringiz sira ham sarhad bilmasin.
Shavkat Jalilov suhbatlashdi.
O'zbekiston Milliy Olimpiya qo'mitasi
matbuot xizmati
— deya xabar beradi uff.uz nashri.
Bosh sahifaga
556