OFK nazoratchisi, shuningdek OFK hamda FIFA instruktori hisoblangan o'zbekistonlik Farhod Abdullaev Osiyo Futbol Konfederatsiyasi taklifiga ko'ra qit'aning 47ta mamlakatida hakamlar maslaxatchsi sifatida ish boshladi. Yangi loyihaga ko'ra, Farhod Abdullaev hakamlar departamenti hamda qo'mitalari ishini yaxshilash ishlariga ko'maklashadi, shuningdek hakamlik bilan bog'liq boshqa masalalarda mahalliy hakamlar va nazoratchilarga yordam beradi. Ta'kidlash lozim, Farhod Abdullaev Tailand Futbol Assotsiyatsiyasi taklifiga ko'ra Bankok shahrida mahalliy Futbol assotsiyatsisi hakamlar departamenti vakillari bilan uchrashdi. Mazkur loyihaning ilk bosqichi hisoblangan Tailandda Farhod Abdullaev Tailand Futbol Assotsiyatsiyasi hakamlar qo'mitasi tuzilishida ishtirok etdi. Shuningdek, Abdullaevning maslahatiga ko'ra, mazkur qo'mita muntazam ravishda hakamlar va nazoratchilar uchun seminarlar tashkil etilishi kelishib olindi. OFK hamda Tailand Futbol Assotsiyatsiyasi hamkorligiga ko'ra, Abdullaev Tailandda o'tkaziladigan navbatdagi seminarlarda intsruktor sifatida ishtirok etishiga kelishib olindi. Ma'lumot uchun, Farhod Abdullaev ayni kunlarda Malyziya poytaxti Kuala-Lumpur shahrida ilk bor tashkil etilayotgan hakamlar ekspertlari seminarida ishtirok etmoqda. Osiyo Futbol Konfederatsiyasi tashabbusiga ko'ra, ilk bor tashkil etilayotgan seminarda 17 nafar hakamlar nazoratchilari ishtirok etishdi. Ushbu seminarda, qit'ada hakamlar saviyasini oshirish masalalari muhokama qilindi, shuningdek, hakamlar va nazoratchilar faoliyatini yaxshilashga qaratilgan bir qator dasturlar ishlab chiqildi.
— deya xabar beradi uff.uz nashri.