«Erudit Sport» gazetasi o'z an'anasiga binoan, yirik turnirlar oldidan muxlislarga navbatdagi tuhfani hozirladi. Barchamiz intiqlik bilan kutayotgan Frantsiyada o'tadigan Evropa Chempionati boshlanishiga ham tobora kam vaqt qolmoqda. Nufuzi jihatdan har to'rt yillikning bosh turniri Jahon Chempionatidan keyingi o'rinda turuvchi Evro-2016 futbol bayrami oldidan «Erudit Sport» nashri «EVRO-2016» jurnalini chop etdi.
Glyants muqovali, umumiy 52 betli to'liq rangli sahifalarda nashr etilgan ushbu maxsus soni Evro-2016 davomida sizga eng yaqin «hamroh» bo'lib xizmati qila oladi.
Jumladan, «EVRO-2016»da Frantsiya shaharlari va stadionlari, 24 ta terma jamoaning tarkibi va futbolchilarining transfer baholari, Evropa Chempionati tarixiga oid rekordlar, finallar, gollar, so'rovnomalar va turnirning qiziqarli faktlari haqida mutolaa qilish mumkin. Xullas, ming marta eshitgandan ko'ra, bir marta ko'rgan afzal!
Jurnal Evro-2016 ga bo'lgan chanqog'ingizni qondira olishiga ishonchimiz komil! Shoshiling, adadi cheklangan nashr allaqachon shahringizdagi matbuot do'kon va rastalarida sotilmoqda.  
— deya xabar beradi uff.uz nashri.