«Chelsi» himoyachisi Jon Terri uzoq muddat davomida jarohatini davolatdi va yaqin vaqtlar ichida maydonga tushishga tayyor bo'lib ulgurdi.
Londonliklarning tvitterdagi rasmiy sahifasida xabar qilinishicha, jamoa bosh murabbiyi Antonio Konte «Manchester Yunayted»ga qarshi kechadigan uchrashuv oldidan Jon Terri yaxshi holatda ekanini aytgan. Shu bilan birga murabbiy yaqinda onasining motam marosimidan qaytgan Villianning holati haqida aniq fikrga ega emasligini bildirdi.
Shuningdek Oskar ham bobosining vafoti munosabati bilan jamoa qarorgohida emas va «Manchester Yunayted»ga qarshi kechadigan bahsda jamoaga yordam bera olmaydi.
— deya xabar beradi uff.uz nashri.