Angliya chempionatining 9-turidan o'rin olgan "Liverpul" – "Vest Bromvich" uchrashuvi o'z nihoyasiga etdi. Unda 2:1 hisobi qayd etilib, mersisaydliklarning g'alabasi bilan yakunlandi. Dastlab, birinchi bo'limning 20-daqiqasida Sado Mane Firmino tomonidan ajoyib tarzda havodan jarima maydonchasiga uzatib bergan to'pini darvozasining chap burchagiga joylab qo'ydi – 1:0. Oradan 15 daqiqa o'tgach Filippe Koutino raqibning ikki himoyachisini dog'da qoldirib, yana o'sha burchakka to'pni yo'lladi – 2:0. Ikkinchi bo'limda Roberto Firminoda bir qator qulay vaziyatlar bo'ldi, ammo ularning barchasi gol bilan yakunlanmadi. 81-daqiqaga kelib Makoli oradagi farqni qisqartirishga muvaffaq bo'ldi. Shunday bo'lsada, “Liverpul” o'z g'alabasini qo'ldan boy bermadi. Angliya chempionati
9-tur Liverpul – Vest Bromvich 2:1 (2:0, 0:1)
Gollar: 1:0 – 20 Mane, 2:0 – 35 Koutino, 2:1 – 81 Makoli.
Liverpul – Karius, Lovren, Matip, Klayn, Koutino, Djan, Firmino, Lallana (Veynaldum, 79), Mane, Xenderson, Milner.
Vest Bromvich – Foster, Makoli, Nom, Douson, Olsson, Fletcher, Yakob (Brant, 46), Shadli, Fillips (Morrison, 51), Makkleyn (Robson-Kanu, 65), Rondon.
Ogohlantirishlar: Yakob (43), Makkleyn (57), Xenderson (88).
— deya xabar beradi uff.uz nashri.