«Manchester Siti» bosh murabbiyi Xosep Gvardiola Chempionlar ligasida «Barselona»dan uchralgan 0:4 hisobidagi mag'lubiyatga qaramay o'yin uslubini o'zgartirish niyati yo'qligini bildirdi.
- Siz buni istagan bo'larmidingiz? Men bu haqida o'ylab ko'rganman. Ammo har qanday qaror men ishongan g'oyadan yaxshiroq bo'lmaydi. Shunday ekan, hech narsani o'zgartirmoqchi emasman.
Bilasizmi nimaga? Men 7 yillik faoliyatim davomida 21 ta sovrin qo'lga kiritdim. Yigitlar, kechirasiz, ammo men etti yil davomida 21 ta sovringa ega chiqqanman - mana shu o'yin uslubi bilan yiliga 3 tadan musobaqada yutganman.
Ammo men kelganim hamono «Manchester Siti»da uch oy ichida hammasini yo'lga qo'yib olishim, «Kamp Nou»da 4:0 hisobida g'alaba qozonishim, Messi, Neymar va Suares hech narsa qila olmasligi va Inesta ham yomon o'ynashiga ishongan bo'lsangiz, adashasiz. Bu mening qo'limdan kelmaydi. Men yaxshi murabbiyman, ammo bu darajada emas.
Men «Manchester Siti»ga uch yilga kelganman. «Barselona» va «Bavariya»da uch yil ichida dastlabki uch oydagidan yaxshiroq natija qayd etganman  , - deydi Gvardiola. 
— deya xabar beradi uff.uz nashri.