Angliya premer ligasining 9-tur uchrashuvlari ham bo'lib o'tdi. Unda bir qator markaziy o'yinlarni kuzatdik. Masalan, “Manchester Siti” o'z uyida yana ochko yo'qotdi. Konte va Mourino to'qnashuvida manchesterliklar sharmanda bo'ldi. Shuningdek, bu turda 0:0 hisobi ko'p qayd etildi. Peshqadamlar soni ham ortdi. Endi kuchli beshlikdagi jamoalarni faqatgina 1 ochko ajratib turibdi. Bu hali boshlanishi, APLning bu yilgi mavsumi shunday bo'lishini ko'pchilik kutgandi. “Tottenxem” safarda ochko yo'qotdi Londonning “Tottenxem” jamoasi safarda “Bornmut” mehmoni bo'ldi va qattiq qarshilikka duch keldi. Londonliklar o'yin tizginini o'z qo'llarida saqlab turishganiga qaramay, bornmutliklar ham bo'sh kelishmadi. Natijada o'yinda hisob ochilmadi. 22 oktyabr. Bornmut. "Vitaliti Stedium" stadioni. 11201 tomoshabin.
Bosh hakam: Kreyg Pouson (London).
“Bornmut” – “Tottenxem” - 0:0 “Arsenal” ham gol urolmadi Londonning “Arsenal” jamoasi o'z uyida “Midlsbro”ni qabul qildi va darvozalarga gol urilmadi. “To'pchilar” raqib darvozasini har qancha “o'qqa tutmasin”, “Midlsbro” futbolchilari ham bo'sh kelmadi. 22 oktyabr. London. "Emireyts" stadioni. 59962 tomoshabin.
Bosh hakam: Mayk Din (Xesvoll).
“Arsenal” – “Midlsbro” - 0:0 “Lester” g'alaba qozondi “Lester” jamoasi o'z uyida “Kristal Pelas” ustidan ishonchli g'alabaga erishdi. Aytish kerakki, amaldagi chempionlar musobaqani yomon boshlagan edi, endi sekin-asta o'zlariga kelishi kerak. Axir bu mavsumda chempionlik uchun kurash ayovsiz kechadi. 22 oktyabr. Lester. "King Pauer" stadioni. 31969 tomoshabin.
Bosh hakam: Maykl Oliver (Nortumberlend).
“Lester” – “Kristal Pelas” - 3:1
Gollar: Musa, 42 (1:0). Okazaki, 63 (2:0). Fuxs, 80 (3:0). Kabay, 85 (3:1). “Liverpul” kuchli uchlikka kirdi “Liverpul” jamoasi o'z uyida “Vest Bromvich” klubini qabul qildi va g'alaba qozondi. Lekin bu g'alabaga osonlikcha erishilmadi. To'g'ri, mersisaydliklar tashabbusni saqlab turishdi, ammo o'yin oxirlarida mehmonlar kuchli o'yin ko'rsatishdi va hisobni qisqartirishdi. Sal qolsa, ochko tortib olishi ham mumkin edi. 22 oktyabr. Liverpul. "Enfild" stadioni. 53218 tomoshabin.
Bosh hakam: Nil Svarbrik (Lankashir).
“Liverpul” – “Vest Bromvich” - 2:1
Gollar: Mane, 20 (1:0). Koutino, 35 (2:0). Makoli, 81 (2:1). “Sautgempton” ochkoli bo'ldi “Sautgempton” jamoasi safarda “Manchester Siti” mehmoni bo'ldi va ishonchli tarzda “shaharliklar”dan 1 ochko tortib oldi. Aslida har ikki jamoa ham g'alabaga haqli ravishda harakat qildi. Ammo Bravo va himoyachilarning bir-biriga to'p uzatishi Gvardiola shogirdlariga qimmatga tushdi. 23 oktyabr. Manchester. "Ittixod" stadioni. 53731 tomoshabin.
Bosh hakam: Mark Klattenburg (Nyukasl-apon-Tayn).
“Manchester Siti” – “Sautgempton” - 1:1
Gollar: Redmond, 27 (0:1). Ixeanacho, 55 (1:1). “Chelsi” Mourinoni sharmanda qildi Turning yana bir markaziy uchrashuvida “Chelsi” o'z uyida “Manchester Yunayted”ni qabul qildi va yirik hisobda g'alabaga erishdi. Aytish mumkinki, Konte shogirdlari “MYu”ning himoyasini parokanda qilib, ularga o'yin bermadi. Hisob esa yirik ko'rinishga keldi. 23 oktyabr. London. "Stemford Brij" stadioni. 41424 tomoshabin.
Bosh hakam: Martin Atkinson (Lids).
“Chelsi” – “Manchester Yunayted” - 4:0
Gollar: Pedro, 1 (1:0). Kexill, 21 (2:0). Azar, 62 (3:0). Kante, 70 (4:0). Tur ramziy terma jamoasi, eng yaxshi futbolchisi va boshqa statistikalar bilan ushbu havola orqali tanishishingiz mumkin.
— deya xabar beradi uff.uz nashri.