«Valensiya» darvozaboni Diego Alves «Barselona»ga qarshi kechgan bahsda kataloniyaliklar hujumchisi Lionel Messiga penalti tepish oldidan bosim o'tkazishga uringanini aytib o'tdi. Eslatib o'tamiz, Messi qo'shib berilgan daqiqalarda 11 metrlik belgidan gol urgan va jamoasi 3:2 hisobida g'alaba qozongan edi.
- Har bir darvozabonning o'ziga hos strategiyasi bo'ladi. Men ham o'sha vaziyatda Messi bilan gaplashishga va unga bosim o'tkazishga urinib ko'rdim. Men shunchaki o'zim qilishim lozim bo'lgan ishni bajardim, - deydi Alves.
Darvozabon o'sha vaziyatda Messiga nima deganini ochiq aytmagan, ammo Ispaniya matbuotida xabar qilinishicha, Alves hujumchiga: «Men avval ham sen tepgan penaltini qaytarganman. Esingdami?», degani aytilmoqda.
— deya xabar beradi uff.uz nashri.