Bugun “Lokomotiv” klubi O'zbekiston Kubogi yarim final dastlabki o'yini doirasida o'z maydonida “Bunyodkor”ni qabul qildi va 1:0 hisobida zafar quchdi. O'yin taqdirini hal etgan yagon gol muallifi – Sardor Mirzaev uchrashuv yakunlangach o'z taassurotlari bilan bo'lishdi. – “Bunyodkor” – “Lokomotiv”ning asosiy raqobatchilaridan biri. Ushbu klub bizni milliy chempionat o'yinlarida ham ta'qib qilib kelmoqda. Shu sababli bugungi bahsga juda jiddiy hozirlik olib borgandik. Qolaversa, “Buxoro”dan uchralgan mag'lubiyatdan so'ng bu gal g'alaba qozonmasak bo'lmasdi. Bugun g'alabaga erishganimiz yaxshi bo'ldi. Qolaversa, uydagi o'yinda o'z darvozamizdan gol o'tkazib yubormadik. Bu esa bizga javob bahsi oldidan biroz bo'lsa-da ustunlik berishi tayin. Sekin-asta mavsum yakunlanib boryapti. Bizni oldinda juda muhim o'yinlar kutib turibdi. Nasib etsa, oldindagi hamma o'yinlarni g'alaba bilan yakunlab, ham O'zbekiston chempionligini, ham mamlakat kubogini qo'lga kiritmoqchimiz, – deydi mahoratli futbolchi klub matbuot xizmatiga.
— deya xabar beradi uff.uz nashri.