«Barselona» rahbariyati La Liga prezidenti Xaver Tebas va tashkilotning intizom qo'mitasi a'zolarini sudga beradi. Bu haqida «Barselona» prezidenti Jozep Bartomeu xabar bergan.
Eslatib o'tamiz, «Valensiya» va «Barselona» o'rtasidagi kechgan uchrashuvning so'nggi daqiqalarida Lionel Messi penaltidan gol kiritib, jamoasining 3:2 hisobida g'olib chiqishiga yordam bergan edi. Golni nishonlash chog'ida futbolchilar boshiga suv idishi otilgan va kataloniyalik futbolchilardan bir nechasi boshini ushlab, erga yiqilgan edi. Xaver Tebas «Barselona» futbolchilarini simulyatsiyada ayblab, fikr bildirgani uchun kataloniyaliklar uni sudga berishadi.
- Tebas tomonidan qilingan bayonot mas'uliyatsizlik va sport mutasaddisiga yarashmaydigan holat. Agar sport arbitraj sudi jazo uchun asos topsa, kerakli chora qo'llanishi turgan gap.
Intizom qo'mitasi esa futbolchilarning harakatiga izoh berib, vaziyatni keskinlashtirish o'rniga, unga echim topishi lozim. Biz zo'ravonlikni keltirib chiqaradigan holatga nisbatan adolatli jazo bo'lishiga umid qilmoqdamiz, - deydi Bartomeu.
— deya xabar beradi uff.uz nashri.