27 oktyabr, juma kuni “Bunyodkor” stadionida oliy liga 27-turi boshlab beruvchi “Bunyodkor” – “Metallurg” uchrashuvi bo'lib o'tadi. Bu safargi bahs ushbu ikki jamoaning o'zaro hisobdagi 20-to'qnashuvi sifatida qayd etiladi. O'zaro o'yinlarning 16tasida “qaldirg'ochlar”ning qo'llari baland kelgan. Ikki uchrashuvda bekobodliklar zafar quchishgan. Bitta uchrashuvda esa kuchlar teng kelgan. To'plar farqi 43:17, “Bunyodkor” foydasiga. Anvarjon Soliev «Metallurg» darvozasini sakkiz marotaba ishg'ol etib, o'zaro o'yinlar to'purari bo'lib turibdi.
— deya xabar beradi uff.uz nashri.