«Barselona» prezidenti Xosep Mariya Bartomeu «Valensiya»ga qarshi kechgan uchrashuvning so'nggi daqiqalarida muxlislar tomonidan suv idishi otilishi bilan bog'liq mojaroda futbolchilarni yoqlab chiqdi.
Eslatib o'tamiz, qo'shib berilgan daqiqalarda Lionel Messi penaltidan gol kiritib, 3:2 hisobida jamoasini oldinga olib chiqqan vaqtda golni nishonlash vaqtida futbolchilar tomon muxlislardan biri suv idishi uloqtirgan edi. Oqibatda Luis Suares va Neymar maydonga yiqilgan.
La Liga prezidenti Xaver Tebas bu holatni simulyatsiya deb baholagan edi. Bunga javoban kataloniyaliklar Sport ma'muriy sudiga shikoyat bilan murojaat qilishgan.
- Biz klubimiz va futbolchilarimiz sha'nini himoya qilishimiz lozim. Bizga qarshi kampaniya uyushtirishlaridan charchadik. «Barselona»ni maydonda enga olmayaptilar va endi maydondan tashqarida bizni engishmoqchi, - deydi Bartomeu.
— deya xabar beradi uff.uz nashri.