“Navbahor” va “Qizilqum” jamoalari o'rtasidagi uchrashuvdan (0:2) keyin o'tkazilgan matbuot anjumanida “Qizilqum” jamoasi bosh menedjeri Hamid Aktamov ishtirok etib, jurnalistlarning savollariga javob berdi.
- “Qiziqum” jamoasi Namanganda sakkiz yildan beri g'alaba qozona olmayotgan ekan, bugun ushbu an'anaga chek qo'ydik.
O'yin haqida gap ketganida, birinchi va ikkinchi bo'limlar o'rtasida er bilan osmoncha farq bo'ldi. Futbolchilarimiz o'z oldilariga qo'yilgan vazifani bajarishdi. Bir so'z bilan aytganda yigitlarimiz ishonchni oqlashdi. “Navbahor” jamoasiga keyingi uchta turda ochkolar zaxirasini boyitib olgan holda oliy ligadagi o'rnini saqlab qolishda omad tilayman.
Bunday viloyatda va bunday sharoitlarga ega o'yingohga ega viloyatda oliy liga bo'lishi kerak. Negaki Namanganda futbolni sevishadi. Tanaffusda futbolchilarga qanday ko'rsatma berganligimiz klubni ichki siri hisoblanadi. Bugun bizga g'alaba kerak edi. Shu sababli yigitlar tanaffusdan keyin o'zlarini ko'rsatishlari shart edi, - deydi Aktamov.
— deya xabar beradi uff.uz nashri.