“Barselona” jamoasi hujumchisi Neymar va “Granda” himoyachisi Ruben Vezu o'rtasida mojaro kelib chiqdi. Bu haqda Marca xabar bermoqda. Hodisa “Barselona” va “Granada” (1:0) o'rtasidagi La Liga 10-tur o'yinidan keyin sodir bo'ldi. O'yin vaqtida Neymar Vezuga nisbatan qo'pol o'ynadi va ular maydonda janjallashib ketdi.  Natijada hakam har ikki futbolchiga sariq kartochka ko'rsatdi. Ammo ularning o'zaro munosabati o'yindan so'ng davom etdi. “Kamp Nou” tunnelida futbolchilar turli nomaqbul so'zlar bilan janjalni davom ettirdi. Shundan so'ng har ikki jamoa futbolchilari ularni ajratib qo'ydi. 
— deya xabar beradi uff.uz nashri.