Dortmundning "Borussiya" klubi hujumchisi Mario Gyottse "Sporting"ga qarshi kechadigan EChL guruh bosqichi 4-tur uchrashuvi oldidan o'z fikrlarini bildirib o'tdi.
"Biz "Real", "Sporting" va "Legiya" jamoalari bilan qiyin guruhdan o'rin olganmiz. Olti uchrashuvdan yarmini o'tkazib bo'ldik. Keyingi raqibimiz "Sporting". Bu jamoani shunchaki engib bo'lmaydi. Lissabonda raqib nimalarga qodirligini isbotlashdi, ammo biz endi uyda o'ynaymiz. Bu bizning ustunlik tomonlarimizdan biridir. Bu erda navbatdagi 3 ochkoni qo'lga kiritishni istaymiz", – deydi Gyottse.
"Men oldin  ham EChL finaliga chiqqanman, biroq jarohat sababli o'yinni o'tkazib yuborishga majbur bo'lgan edim. Yana finalga chiqishni orzu qilaman. Buning uchun har kuni har qachongidan ko'proq ishlayapman. 2012/13 mavsum finalidan ajoyib xotiralar qolgan, afsuski, bosh sovringa ega chiqa olmaganmiz. Ammo bu tarixda qoldi. Endi bu yilgi musobaqaga e'tiborni qaratish lozim".
— deya xabar beradi uff.uz nashri.