«Barselona» prezidenit Xosep Mariya Bartomeu so'nggi vaqtlarda homiylar topish masalasi og'irlashganini tan oldi. Mutasaddining ta'kidlashicha, bu borada Ispaniya La ligasining asosiy raqibi Angliya Premer-ligasi bo'lib qolmoqda.
- Premer ligada barchasini to'g'ri bajarishmoqda. Oxirgi bir necha yil davomida har bir klub iqtisodiy tomondan yanada ko'proq imkoniyatlarga ega bo'lyapti. Premer-liga bizning raqibimiz, chunki homiy topish maqsadida xorijga chiqishimiz hamono APL vakillari u erda bo'ladilar va muzokara o'tkazayotgan bo'ladilar.
Yangi futbolchilar qidirgan vaqtda esa «Arsenal», «Tottenxem», «Manchester Siti», «Manchester Yunayted» va «Chelsi» albatta raqobatda bo'ladi. Ammo men uchun La liga baribir eng kuchli chempionat bo'lib qolaveradi, - deydi Bartomeu.
— deya xabar beradi uff.uz nashri.