«Barselona» hujumchisi Lionel Messi «Manchester Siti»ga qarshi kechgan uchrashuvning 21-daqiqasida gol urishga muvaffaq bo'ldi.
Shu tariqa Messi Chempionlar ligasi guruh bosqichida urgan gollari sonini 54 taga etkazib oldi va bu borada Madridning «Real» klubi sobiq hujumchisi Rauldan o'zib ketdi. Shu bilan birga Messi asli Evropadan bo'lmagan, ammo Chempionlar ligasining 100 ta o'yinida asosiy tarkibda maydonga tushgan ikkinchi futbolchiga aylandi. Bu borada eng yaxshi ko'rsatkich «Real»ning sobiq himoyachisi Roberto Karlosga tegishli. U 120 uchrashuvda asosiy tarkibda o'ynagan.
Eslatib o'tamiz, «Barselona» kecha «Manchester Siti»dan safarda 1:3 hisobida mag'lub bo'ldi.


— deya xabar beradi uff.uz nashri.